Alternative content

20:41 21 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Sevincimizin həddi-hüdudu yoxdur
Sevincimizin həddi-hüdudu yoxdur
ANA SƏHİFƏ / Oxucu məktubları
12:11 27.11.2016

 

Son vaxtlar Qazax rayonunda digər sahələrlə yanaşı, kənddaxili yolların yenidən qurulmasına da böyük əhəmiyyət verilir. Qazax-Kosalar avtomobil yolunun inşası qurtardıqdan sonra Çaylıda kənddaxili yollar da sahmana salınır.

Çaylı kəndi rayonumuzun ən iri yaşayış məntəqələrindəndir. Əhalisi  8885 nəfərdir. Xüsusi  təsərrüfatların sayı 2570-dir. Sakinlərin əsas məşğuliyyəti əkinçilik və heyvandarlıqdır. Ümumi inkişaf onlarda əkin-biçinə də marağı artırıb: boş qalmış torpaq sahələri hesabına yeni əkin sahələri yaradılır. 

Amma uzun illər idi ki, kəndin yolları bərbad vəziyyətdə idi. Bundan çox əziyyət çəkirdik. Xüsusilə payız-qış aylarında sudan, palçıqdan, yay aylarında isə toz-torpaqdan  təngə gəlmişdik. Nəhayət, bu problemin həllinə başlanılıb: kənddaxili yolların yenidən qurulmasına və asfaltlaşdırılmasına start verilib. Hazırda kəndin mərkəzi yolunun 6 km hissəsində işlər sürətlə davam etdirilir. Yolun qısa müddət ərzində  istifadəyə verilməsi nəzərdə tutulub. Bu, bizi çox sevindirir.

Hörmətli redaksiya!

 Qəzetiniz vasitəsilə kəndimizə göstərilən  diqqət və qayğıya görə dövlət və yerli icra orqanlarına minnətdarlığımızı bildirmək istəyirik. 

 

Qəzənfər QOCAYEV,

Qazax rayonu Çaylı kənd sakini, təqaüdçü