27 Noyabr 2016 12:11
719
Oxucu məktubları
A- A+

Sahibsiz kran təhlükə mənbəyinə çevrilib

 

Hörmətli redaksiya!

Bərdə şəhərində, internat məktəbin həyətində illərdən bəri unudulmuş qaldırıcı inşaat kranı artıq təhlükə mənbəyinə çevrilib. Məktəb müəllimlərinin, şagirdlərin, eləcə də bura gəlib-gedən hər kəsin həyatı üçün bu, kifayət qədər ciddi təhlükədir. Külək əsəndə yırğalanan kranın aşmaq ehtimalı zaman keçdikcə artır: baxımsız qalan metal konstruksiya ətraf mühitin təsiri altında öz dayanıqlığını itirir.  Əgər o aşarsa, törədəcəyi fəsadlar ağır ola bilər.

Təxminən 20 il əvvəl bu ərazidə aparılan tikinti işləri yarımçıq dayandırılıb. Elə o vaxtdan da beşmərtəbəli binaların tikintisində istifadə edilən bu hündür kran inşaat meydançasında “unudulub”.

Küləkli günlərdə şagird və müəllimlər təhlükəli kabusa çevrilmiş kranın yanından ehtiyatla, qorxa-qorxa keçirlər. Görəsən, bu kranın sahibi kimdir? Onu məktəbin ərazisindən niyə götürmürlər? Tədbir görmək üçün mütləq  bədbəxt hadisə baş verməlidir? Məgər gözlənilən hadisəni qabaqlamaq olmazmı?

Ümid edirik, bu müraciətimizdən sonra kran sökülüb məktəb ərazisindən uzaqlaşdırılacaq, təhlükə aradan qaldırılacaq.

 

Telman HÜSEYNOV,

Bərdə rayon sakini

 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video