Alternative content

04:45 24 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV “Sülhə gəlin, ey insanlar, yoxsa dünya məhv olar”
“Sülhə gəlin, ey insanlar, yoxsa dünya məhv olar”
ANA SƏHİFƏ / Oxucu məktubları
12:11 20.11.2016

 

Azərbaycan tolerant ölkədir. Yalnız tolerant münasibətlərin, həyat tərzinin hökm sürdüyü cəmiyyətlərdə multikultural inkişaf mümkündür. Təsadüfi deyil ki, sona çatmaqda olan il ökəmizdə “Multikulturalizm ili” elan edilib.   Azərbaycanın malik olduğu multikultural dəyərlər bu üsulla dünyaya tanıdıldı, örnək göstərildi. Bu, beynəlxalq aləmdə dini, irqi, etnik  ayrı-seçkiliyin, dözümsüzlüyün tüğyan etdiyi dövrdə çox vacibdir.

Ağsuda Bilik Fondunun, Bakı Beynəlxalq Multikulturalizm Mərkəzinin, AMEA-nın Dilçilik İnstitutunun və rayon icra hakimiyyətinin birgə təşkilatçılığı ilə 16 noyabr - Beynəlxalq Tolerantlıq Günü münasibətilə kütləvi tədbir keçirildi.

  Heydər Əliyev Mərkəzində  toplanan rayon ictimaiyyəti və qonaqlar Beynəlxalq Tolerantlıq Günü münasibətilə dünyaya çağırış edərək Azərbaycan modelindən, təcrübəsindən yararlanmağı tövsiyə etdilər. Çıxış edənlər  dünyada baş verən müharibələrin və zorakılıqların əsas səbəblərindən biri kimi siyasi, dini, irqi, milli dözümsüzlüyü göstərdilər.  Dünya birliyini sülhə, tolerantlığa çağıran tədbir iştirakçıları bəşəriyyətin, sivilizasiyanın məhv edilməməsi naminə dövlətlər, millətlər, dinlər, ümumiyyətlə, insanlar arasında multikultural, tolerant münasibətlərin bərqərar olmasının zəruriliyini söylədilər. Azərbaycan xalqı bunu öz məşhur nəğməsində də müdrikcəsinə ifadə edib: “Sülhə gəlin, ey insanlar, yoxsa dünya məhv olar”.

 

Şahbaba QƏNBƏROV,

Ağsu rayonu