06 Noyabr 2016 12:11
791
Oxucu məktubları
A- A+

Üçrəngli bayrağınla məsud yaşa!

 

2009-cu ildən 9 noyabr Azərbaycanda Dövlət Bayrağı Günü elan olunub və hər il təntənə ilə qeyd edilir. Vətənə, dövlətə sevgi həm də onun atributlarına münasibətdən başlayır. Himn, gerb və əlbəttə ki, bayraq bir millətin, dövlətin təkcə atributları deyil, həm də ideologiyasını, tarixini özündə ehtiva edir. Paytaxtımızdakı Bayraq Meydanı möhtəşəmdir. İndi hər rayon mərkəzində oxşar bayraq meydanları yaradılıb. Kürdəmir də istisna deyil. Uca bayrağımız rayon mərkəzinin  hər yerindən görünür, bizə qürur verir, yolumuza işıq saçır. 

Kürdəmir Bayraq meydanı, eləcə də yaxınlıqdakı Heydər Əliyev Mərkəzi geniş ərazini əhatə edir. Rayon Olimpiya kompleksi də bu cərgədədir - meydan və mərkəzlə vəhdətdədir. Hər üç obyekt  müasir  memarlıq üslubunda inşa edilmiş tikililərlə zəngindir. Ətraflarında yaşıllığı bol geniş istirahət, gəzinti zonaları yaradılıb. Bu yerlər təkcə rayonumuzun deyil, qonaqların, hətta yoldan keçənlərin də dayanıb məmnuniyyətlə istirahət etdiyi məkandır. Abadlıq, gözəllik göz oxşayır. Milli atributlardan, vətənpərvərlik hissləri oyadan maarifləndirici  elementlərdən məharətlə istifadə olunub. Təsadüfi deyil ki, günün hər saatında bu məkanlarda müxtəlif yaş qruplarına aid insanlara rast gəlinir. Xüsusilə də gənclərə.  Gənclərimiz isə  vətənpərvər, millətsevərdir. İndi onlar daha şövqlə “Bayrağını yüksəltməyə

Namusunu hifz etməyə,

Cümlə gənclər müştaqdır!” - deyə,  himnimizi oxuyur,  layiqli vətəndaş kimi hər fədakarlığa hazır olduqlarını ifadə edirlər.

 

Fərid ŞAHBAZOV,

Kürdəmir şəhər sakini 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video