Alternative content

05:41 23 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Çaş-baş salan işıqforlar
Çaş-baş salan işıqforlar
ANA SƏHİFƏ / Oxucu məktubları
12:11 06.11.2016

 

Maşın axını sıx olan küçələrdə, keçidlərdə işıqforların qoyulması hərəkət  iştirakçılarının təhlükəsizliyinə xidmət etməlidir. Bu məqsədlə işıqforların üzərinə zaman göstəriciləri də quraşdırılır. İşıqforun göstərişlərinin müddətini əks etdirən tablolarda rəqəmlərin işıqları da müvafiq rəngdə olur. Güman edirəm, bunun faydasını izah etməyə ehtiyac yoxdur.

Amma təəssüf ki, Goranboy şəhərindəki işıqforlar fərqli “rejim”də işləyir. Şəhərdəki  işıqforların zaman sayğacı yolun açılıb-bağlanmasını bildirən rəqəmləri yalnız qırmızı rəngdə göstərir. Bəlkə də yerli sürücülər, piyadalar buna alışıblar. Ancaq Goranboy qonaqlı-qaralı yerdir. Gəlib-gedən çox olur. Bu hal da nabələd piyada və sürücülərdə çaşqınlıq yaradır. Çünki hər yerdə, o cümlədən ətraf rayon və şəhərlərdə zaman tablosunun rəqəmləri işıqfordakı rəngə uyğun -  ya qırmızı, yaxud da yaşıl olur.

Çox istərdik ki, Goranboy şəhərindəki işıqforların bu texniki qüsuru aradan qaldırılsın. Bu, nə qədər tez olsa, piyadalar üçün  də yaxşı olar, avtomobil sürücüləri üçün də!

 

Vidadi NAMAZOV,

Goranboy rayon sakini