Alternative content

07:49 26 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Ümumdünya Turizm Təşkilatının şəhər turizmi üzrə 5-ci Qlobal Sammiti işə başlayıb
Ümumdünya Turizm Təşkilatının şəhər turizmi üzrə 5-ci Qlobal Sammiti işə başlayıb
ANA SƏHİFƏ / Turizm
09:11 01.11.2016

Xəbər verdiyimiz kimi, Azərbaycan Respublikasının mədəniyyət və turizm naziri Əbülfəs Qarayevin rəhbərlik etdiyi nümayəndə heyəti Misirin Luksor şəhərində keçirilən Birləşmiş Millətlərin Ümumdünya Turizm Təşkilatı İcraiyyə Şurasının 104-cü sessiyasında iştirak edir.

Mədəniyyət və Turizm Nazirliyinin mətbuat xidmətindən AZƏRTAC-a bildiriblər ki, noyabrın 1-də tədbirin yekun görüşləri keçirilib və İcraiyyə Şurasının 104-cü sessiyası öz işini başa vurub. Tədbir çərçivəsində Ümumdünya Turizm Təşkilatı (ÜTT) baş katibliyinin, proqram və büdcə komitəsinin müvafiq hesabatları, 2018-2019-cu illər üzrə ümumi iş proqramı, eləcə də Azərbaycanın Ümumdünya Turizm Təşkilatı İcraiyyə Şurasının sədri seçilməsi və bir sıra digər mühüm məsələlər haqqında qərarlar təsdiq edilib.

Tədbirin ardınca Ümumdünya Turizm Təşkilatının şəhər turizmi üzrə 5-ci Qlobal Sammiti işə başlayıb. Sammitin açılışında ÜTT-nin baş katibi Taleb Rifai, Misirin turizm naziri Yehia Raşed, Luksor şəhərinin qubernatoru Muhamed Sayed Bedr və Ümumdünya Turizm və Səyahətlər Şurasının prezidenti David Skousil çıxış ediblər.

Daha sonra “Perspektivlər və çətinliklər” mövzusunda şəhər turizmi üzrə yüksək səviyyəli panel iclası keçirilib. Panelçi qismində çıxış edən mədəniyyət və turizm naziri Əbülfəs Qarayev şəhər turizmi, bu turizm növünün inkişaf perspektivləri, onun sosial və iqtisadi təsirləri, potensial problemlər haqqında ətraflı məlumat verib.

Şəhər turizmində davamlı və hərtərəfli inkişafa nail olmaq məqsədilə hansı işlərin görülməli olduğunu qeyd edən nazir bu növ turizmin multifunksional təbiətinin çox dəqiq planlaşdırma və idarəetməyə ehtiyac yaratdığını vurğulayıb. Əbülfəs Qarayev ölkəmizin paytaxtında, eləcə də digər böyük şəhərlərdə bu növ turizmin planlaşdırılması və gələcək perspektivlər, bu sahə üzrə inkişafın təmin edilməsi məqsədilə görüləcək işlər barədə məlumat verib. İclas şəhər turizmi mövzusu ətrafında müzakirələrlə davam edib.

Sammit işini noyabrın 2-də davam etdirəcək.