25 Sentyabr 2016 12:09
822
Oxucu məktubları
A- A+

Min gözəlliyin içində bir qüsur gözə tez çarpır...

 

Şəkini nə tanıtmağa, nə də vəsf etməyə ehtiyac var. Dillər əzbəri olan bu diyarımız qədim tikililəri, məkanları ilə canlı tarix muzeyi, füsunkar təbiəti ilə istirahət zonasıdır. Şəki ərazisində ilin istənilən fəslində, günündə dünyanın müxtəlif ölkələrindən gələn turistlərlə rastlaşmaq mümkündür. Ölkə əhalisi də məmnuniyyətlə bu qədim Oğuz yurduna səyahət edir, istirahətini mənalı keçirməyə çalışır. Hər kəs də buradan ruh yüksəkliyi, zəngin təəssürat və yeni bilgilərlə qayıdır.

Şübhəsiz, min gözəlliyin içində xırda da olsa, bir qüsur gözə tez çarpır. Sonuncu dəfə Şəkidə olarkən məhz belə xırda detallar diqqətimizi çəkdi. Şəki ərazisinə girəcəkdə məlumat nişanı funksiyasını daşıyan sadə kompozisiyalı, milli ornamentli  daş tikilinin üzərinə həkk edilmiş “Şəki”dən “Ə” hərfi qopmuş və ya silinmişdi. Bu, təzəlikcə olub, yaxud çoxdan - deyə bilmərik. Amma maraqlıdır, bunu əlaqədar təşkilatların əməkdaşları görmürlər? Hər halda, xırda olsa belə, Şəkinin qonaqlarını belə “salamlaması” məqbul sayıla bilməz.

Şəkinin əsas küçələrindən biri - bazar və ticarət zonasından keçən şəhərlərarası yolda da nizam-intizam yaradılsa, həm təhlükəsizlik təmin olunar, həm də kənardan müşahidə edəndə acı təəssürat yaratmaz: kim harada gəldi, necə gəldi maşın saxlayır, mal daşıyır, yol keçir, beləcə, hərəkət məhdudlaşır, çətinləşir.

Ümidvarıq ki, bu və digər qüsurlar tezliklə aradan qaldırılacaq.

 

Hafiz ELDAROĞLU,

Bakı şəhər sakini

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video