Alternative content

00:21 25 Sentyabr 2018
ONLINE XƏBƏR LENTİ
FOTOXRONİKA
PAYIZ
BAŞ REDAKTORDAN

Hamımızın Azərbaycan adlı bir vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir. Müstəqilliyin çətin yolları ilə kövrək addımlarını atan anamız Azərbaycan övlad məhəbbətinə və köməyinə daim ehtiyac duyur. Onun Qarabağ adlı yarasını sağaltmaq, bütövlüyünü bərpa etmək üçün hamımız əl-ələ verməliyik!
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan Qəzeti Rəsmi Dövlət Qəzeti, Baş redaktor Bəxtiyar SADIQOV Konstitusiya Məhkəməsinin sədri Batumidə beynəlxalq konfransda iştirak edib
Konstitusiya Məhkəməsinin sədri Batumidə beynəlxalq konfransda iştirak edib
ANA SƏHİFƏ / Konstitusiya məhkəməsi
04:09 14.09.2016

Azərbaycan Respublikası Konstitusiya Məhkəməsinin sədri Fərhad Abdullayevin başçılıq etdiyi nümayəndə heyəti Gürcüstan Konstitusiya Məhkəməsinin 20 illik yubileyi münasibətilə keçirilən “Keçid dövrü demokratiyasında konstitusiya ədalət mühakiməsi: Şərqi Avropada Konstitusiya nəzarətinin uğuru və problemləri” mövzusunda beynəlxalq konfransda iştirak etmək üçün sentyabrın 8-dən 11-dək Batumidə səfərdə olub.

Konstitusiya Məhkəməsinin mətbuat xidmətindən AZƏRTAC-a bildiriblər ki, beynəlxalq konfransda Gürcüstan Konstitusiya Məhkəməsinin sədri, İnsan Hüquqları üzrə Avropa Məhkəməsinin sədr müavini, Avropa Şurası Venesiya Komissiyasının sədr müavini və Avropanın bir sıra ölkələrinin Konstitusiya məhkəmələrinin sədrləri və hakimləri çıxış ediblər. Konfransda Konstitusiya məhkəmələrinin təcrübəsində beynəlxalq müqavilələrin və İnsan Hüquqları üzrə Avropa Məhkəməsinin qərarlarının tətbiqi, Konstitusiya Məhkəməsinə fiziki və hüquqi şəxslərin müraciətləri, qanunvericiliyin təfsiri və digər hüquqi məsələlər üzrə müzakirələr aparılıb.

Fərhad Abdullayev konfransda Azərbaycan Respublikasının ümumi yurisdiksiyalı məhkəmələrinin Konstitusiya Məhkəməsinə müraciətləri barədə məruzə ilə çıxış edib, Konstitusiya Məhkəməsinin bu sahədə qəbul olunan qərarlarla bağlı mülahizələrini tədbir iştirakçılarının diqqətinə çatdırıb.

Səfər çərçivəsində bir sıra xarici ölkələrin Konstitusiya məhkəmələrinin sədrləri ilə görüşlər keçirilib, məhkəmə-hüquq əməkdaşlığı məsələləri müzakirə edilib.