07 Sentyabr 2016 09:09
744
Turizm
A- A+

Bolqarıstanın “Standart” qəzetində Bakının turizm potensialı barədə məqalə dərc edilib

Bolqarıstanın nüfuzlu nəşri sayılan “Standart” qəzetində “Sehrli Bakı” adlı məqalə dərc edilib. Bakının turizm imkanlarını əks etdirən məqalədə tarix boyu Şərq və Qərbi birləşdirən paytaxtın, eləcə də onun nadir mədəni irsinin və dinamik həyat tərzinin bu gün bütün səyyahları valeh etdiyi diqqətə çatdırılır. Bakıya səyahət edən hər bir şəxsin “1001 gecə”nin nemətlərindən və keyfiyyətli Avropa səviyyəli xidmətlərindən məmnun qaldığı vurğulanır. Qeyri-adi memarlığı ilə seçilən Bakının keçmiş Sovet İttifaqının ən böyük şəhərlərindən biri olduğu, onun Xəzər dənizinin sahilində yerləşdiyi bildirilir. Şəhərdəki “Alov qüllələri”nin Bakının istənilən qonağını öz qeyri-adiliyi, gözəlliyi və möhtəşəmliyi ilə valeh etdiyi, qədim tarixə malik Qız Qalasının görünüşünün xüsusi diqqət çəkdiyi, onun üzərindən sahil boyu 25 kilometr uzunluğunda olan mərkəzi prospektə gözəl mənzərə açıldığı vurğulanır. Müəllif qədim İçərişəhərin peşəsindən, yaşından, hansı ölkədən gəlməsindən asılı olmayaraq bütün qonaqlar üçün maraq kəsb etdiyini, Şirvanşahlar sarayının Azərbaycan memarlığının ən nəhəng abidələrindən olduğunu, məşhur memar Zaha Hadidin layihəsi olan, müasir memarlıq mirvarisi hesab edilən Heydər Əliyev Mərkəzinin şəhərin gözəlliyini artırdığını, xarici qonaqların Qobustan Dövlət Tarixi-Bədii Qoruğuna ekskursiya edərək eksponatlara maraqla baxdıqlarını diqqətə çatdırır. Məqalədə, həmçinin Azərbaycanın milli mətbəxinə yer ayrılır. Küftə, düşbərə, paxlava və digər dadlı nemətləri daddıqdan sonra Şərqdə digər mətbəx nümunələrini dequstasiya etməyə ehtiyacın olmadığı qeyd edilir.

İqbal Hacıyev

AZƏRTAC-ın xüsusi müxbiri

Sofiya

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video