31 Iyul 2016 12:07
817
Oxucu məktubları
A- A+

Şəhidlər unudulmurlar

 

Qarabağ savaşı başlanandan Masallıdan olan gənclər də ölkəmizin torpaq bütövlüyünün bərpası uğrunda gedən mübarizədə iştirak ediblər. Neçə-neçə masallılı igid düşmənlə döyüşlərdə fərqlənərək şəhidlik zirvəsinə yüksəlib. Hələ milli ordumuz təşkil edilməmişdən öncə - torpaqlarımızı könüllülər qoruyarkən belə, rayonumuzun cavanları bu ölüm-dirim savaşından kənarda qalmamışdılar.

Natiq Əliyar oğlu Orucov 1974-cü ildə Masallının Yeddioymaq kəndində dünyaya göz açıb. Tam orta təhsilini 1991-ci ildə, elə həmin kənddə bitirib. Bir il sonra o zamankı Gəncə batalyonunda hərbi xidmətə başlayıb. Cəsur döyüşçü azğın erməni quldurlarının Vətənimizə qarşı təcavüzünə dözə bilmirdi. Xüsusən 1992-ci ilin fevral ayının 25-dən 26-na keçən gecə Xocalıda törədilən soyqırımı onun qəlbini nifrətlə alovlandırmışdı. Xocalı soyqırımınadək də ermənilər bir çox qanlı hadisələr - soyqırımılar törətmişdilər: Ağdaban faciəsi, Kərkicahandakı qanlı olaylar bütün Azərbaycan oğulları kimi Natiqi də düşməndən qisas almağa çağırırdı. Ermənilərsə təxribata ara vermirdilər. Təpədən dırnağa kimi silahlanmış, ağır texnikadan, iriçaplı pulemyotlardan, snayperlərdən, hələ üstəlik də məkr və hiylədən, o zaman respublikamızda hakimiyyətin naşı adamların əlində olmasından, yenicə yaranmaqda olan ordumuzun zəif cəhətlərindən yararlanan və güclü dövlətlərin əlində Azərbaycana qarşı alətə çevrilən ermənilər gündən-günə azğınlaşırdılar. Yaxşı deyiblər: “Arxalı köpək qurd basar”. Bütün çətinliklərə baxmayaraq, N.Orucov rəşadətlə döyüşür, qorxu nə olduğunu bilmirdi. O vaxtlar ordumuzda silah-sursat çatışmırdı, ancaq gənc döyüşçü sanki düşmənə nifrəti də bir silaha çevirmişdi.

1992-ci ilin 22 sentyabrında Ağdərənin Çıldıran kəndi uğrunda gedən döyüşdə ağır yaralanan Natiq Tərtər hospitalına gətirilib və 5 gün sonra o, gözlərini əbədi yumub, şəhidlik zirvəsinə yüksəlib.

İndi Yeddioymaqda, ətraf kəndlərdə, bütün rayonda Natiqin xatirəsi əziz tutulur.  Bir zamanlar təhsil aldığı məktəbə onun adı verilib, təhsil ocağında onun döyüş tarixçəsini əks etdirən xüsusi guşə yaradılıb, hər il doğum və anım günləri qeyd olunur.

Şəhidlərimizə Allah rəhmət eləsin. Amma bir şey də var ki, şəhidlərimizin qanı, qisası o zaman alınacaq ki, təcavüzkarlar torpaqlarımızdan qovulacaq, Qarabağ azad olunacaq. O gün isə uzaqda deyil. Aprel döyüşləri də bunu bir daha təsdiq etdi.

 

Əlihüseyn ŞÜKÜROV,

Masallı rayonunun Yeddioymaq kənd sakini 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video