00:45 21 Aprel 2021
ONLINE XƏBƏR LENTİ
17:04 20.04.2021 Məşhur A68 aysberqi əridi
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Viran olunmuş şəhərlər, dağıdılmış qəbiristanlıqlar, təhqir olunmuş məscidlər - gürcüstanlı jurnalistlər Füzuli və Cəbrayılda
 
ANA SƏHİFƏ /
10:59 01.03.2021

 

Fevralın 28-də gürcüstanlı jurnalistlər işğaldan azad olunmuş Füzuli və Cəbrayıl rayonlarına səfər ediblər. Səfər Azərbaycan Respublikasının Xarici İşlər Nazirliyinin və Gürcüstandakı səfirliyimizin təşkilatçılığı və dəstəyi ilə təşkil olunub. Gürcüstan heyətinin tərkibinə “Pirveli TV”, “Mtavari Arkhi”, “Imedi TV”, “POS TV” kanallarının jurnalistləri, tarixçi və ekspert daxildir.

AZƏRTAC-ın bölgə müxbiri xəbər verir ki, media nümayəndələri əvvəlcə Füzuli rayonunun Horadiz kəndində erməni vəhşiliyini lentə alıb, 44 günlük Vətən müharibəsində Azərbaycan Ordusu tərəfindən darmadağın edilən Ermənistan silahlı bölmələrinin keçmiş mühəndis-istehkam qurğularına baxıblar.

Gürcüstanlı jurnalistlər sonra Azərbaycan Respublikası Prezidentinin müvafiq tapşırığına əsasən, “Füzuli Beynəlxalq hava limanının tikintisi” layihəsi üzrə tikinti işləri həyata keçirilən əraziyə gəliblər. Məlumat verilib ki, Füzuli Beynəlxalq Hava Limanında hazırda uzunluğu 3000 metr olan asfalt-beton örtüklü uçuş-enmə zolağının tikintisi aparılır. Layihəyə əsasən, asfalt-beton örtüklü uçuş-enmə zolağı, yönəldici yol və perronun tikintisi planlaşdırılır.

Media nümayəndələri rayonun Merdinli kəndində ermənilər tərəfindən dağıdılmış qəbiristanlığa və məscid binasının xarabalıqlarına baxıb, ermənilərin məsciddən tövlə kimi istifadə etdiklərinin şahidi olublar. Sonra Füzuli şəhərində ermənilərin 27 il ərzində törətdikləri vandalizmi öz gözləri ilə görüblər. Məlumat verilib ki, ermənilər işğal etdikləri Füzuli şəhərində və rayonun kəndlərində yaşayış evlərini, ictimai binaları, məktəbləri, uşaq bağçalarını, xəstəxanaları, istehsal müəssisələrini talan edib, dağıdıb və yandırıblar. Rayonda qəbiristanlıqlar, tarixi, mədəni abidələr də erməni vandalizminə məruz qalıb.

Jurnalistlər səfər çərçivəsində Cəbrayıl şəhərinin xarabalıqlarına baxıb, şəhər qəbiristanlığında erməni vandalizminin izlərini görüblər. Ermənilər burada mərmərdən olan məzar daşlarını söküb aparıb, bəzi qəbirləri qarət məqsədilə dağıdıblar.

Media nümayəndələri günün sonunda Cəbrayıl rayonunun Cocuq Mərcanlı kəndinə gələrək, sakinlərlə söhbət ediblər. Bildirilib ki, Cocuq Mərcanlı kəndi 1993-cü ildə düşmən tərəfindən işğal edilsə də, bir il sonra, yanvarın 6-da uğurlu Horadiz əməliyyatı zamanı azad olunub. Lakin Lələtəpə yüksəkliyi ermənilərin nəzarətində olduğundan burada yaşamaq qeyri-mümkün idi. 2016-cı ilin Aprel döyüşlərində Lələtəpə yüksəkliyinin azad olunması mövcud təhlükəni də aradan qaldırdı. Cocuq Mərcanlıda 150 ev, məktəb, uşaq bağçası, məscid və digər sosial binalar tikilib, lazımi infrastruktur yaradılıb. 24 il respublikanın müxtəlif bölgələrində məcburi köçkün kimi məskunlaşmış Cocuq Mərcanlı sakinləri doğma kəndlərinə qayıdıblar. Cocuq Mərcanlı 2020-ci ilin sentyabr-oktyabr aylarında da Ermənistan silahlı bölmələrinin artilleriya atəşinə məruz qalıb.



Digər xəbərlər
NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM