21:37 06 Mart 2021
ONLINE XƏBƏR LENTİ
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Vətən müharibəsində beş rayonun işğaldan azad olunmasında döyüşən əkiz qardaşlar
ANA SƏHİFƏ / CƏMİYYƏT
12:02 16.01.2021

 

Vətən müharibəsi qaziləri olan əkiz qardaşların - Həsənağa və Qalib Bağırlının Azərbaycan Ordusunun sıralarından tərxis olunaraq yaşadıqları Biləsuvar rayonunun Bəydili kəndinə qayıtması sakinlər tərəfindən coşquyla qarşılanıb.

AZƏRTAC-ın bölgə müxbiri xəbər verir ki, Vətən müharibəsinin ilk günlərindən ordu sıralarına çağırılan Həsənağa və Qalib qardaşları sentyabrın 27-dən başlayaraq Azərbaycan Ordusunun həyata keçirdiyi əks-hücum əməliyyatlarında qəhrəmanlıq nümayiş etdiriblər.

Qardaşlar ilk döyüşlərə Füzuli istiqamətində başlayıb və daha sonra Zəngilan, Cəbrayıl, Qubadlı və Laçın rayonlarının işğaldan azad olunması uğrunda gedən döyüşlərdə iştirak ediblər.

Onların hər ikisi Azərbaycan əsgəri olduğuna görə fəxr etdiklərini, Silahlı Qüvvələrin Ali Baş Komandanının rəhbərliyi altında Azərbaycan Ordusunun gücü sayəsində torpaqların işğaldan azad olunduğunu bildiriblər.

Həsənağa və Qalib Bağırlı qardaşları Vətən müharibəsində döyüşlər zamanı nümayiş etdirdikləri şücaətə görə Azərbaycan Respublikası Prezidentinin sərəncamları ilə Füzuli, Zəngilan, Cəbrayıl, Qubadlı və Laçın rayonlarının azad olunmasına görə medalları ilə təltif ediliblər.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM