13:57 26 Fevral 2021
ONLINE XƏBƏR LENTİ
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Türkiyəli ekspert: Azərbaycanla Türkmənistan arasındakı anlaşma bir sıra digər iqtisadi layihələr üçün təməl yaradıb
ANA SƏHİFƏ / CƏMİYYƏT
13:43 25.01.2021

 

Azərbaycan ilə Türkmənistan arasında imzalanan Xəzər dənizində “Dostluq” yatağının karbohidrogen resurslarının birgə kəşfiyyatı, işlənilməsi və mənimsənilməsi haqqında Anlaşma Memorandumu türk dünyasının qardaşlıq və əməkdaşlıq münasibətlərini möhkəm tellərlə bir-birinə bağlayan tarixi sənəddir.

Bu fikri AZƏRTAC-a enerji iqtisadiyyatı üzrə ekspert, Türkiyənin Boğaziçi Universitetinin professoru, Enerji İqtisadiyyatı üzrə Beynəlxalq Assosiasiyanın (IAEE) prezidenti, professor Gürkan Kumbaroğlu deyib.

Sözügedən anlaşmanın yaxın gələcəkdə digər yeni iqtisadi layihələrin ortaya çıxacağına əminliyini ifadə edən türkiyəli professor deyib: “Azərbaycan ilə Türkmənistan arasında karbohidrogen ehtiyatlarının işlənməsinə dair anlaşmanın əldə olunması türkdilli ölkələrin Xəzər, Aralıq və Qara dəniz bölgələrində sıx əməkdaşlıq edəcəyinin göstəricisidir. Beynəlxalq statusa malik olan bu anlaşma region ölkələrinin hamısına faydalılıq vəd edir. IAEE da bu anlaşmanın perspektivlərini araşdıracaq. Ümumiyyətlə hazırda Azərbaycan ilə Türkmənistan arasında imzalanan sənədin təhlili IAEE Avrasiya Konfransının gündəliyində çox vacib maddələr sırasına daxil edilib”.

Qeyd edək ki, IAEE 110 ölkədən 450-dək görkəmli alimi öz sırasında birləşdirir.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM