10:42 01 Mart 2021
ONLINE XƏBƏR LENTİ
01:20 28.02.2021

Qətiyyətin təntənəsi


01:17 28.02.2021

Prezident qayğısı


00:52 28.02.2021

Qisasın alındı, Xocalı!


Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Türkdilli Ölkələrin Parlament Assambleyasının Baş katibi Altınbek Mamayusupovdan
ANA SƏHİFƏ / MƏKTUBLAR
20:12 04.12.2020
 Azərbaycan Respublikasının Prezidenti Zati-aliləri cənab İlham Əliyevə

Zati-aliləri cənab Prezident,

Azərbaycanın tarixi Qələbəsi - öz əzəli torpaqlarının azad olunması münasibətilə Türkdilli Ölkələrin Parlament Assambleyasının (TÜRKPA) Katibliyi adından və şəxsən öz adımdan Sizi və qardaş Azərbaycan xalqını səmimi-qəlbdən təbrik edirəm.

Ərazi bütövlüyü beynəlxalq ictimaiyyət və müxtəlif platformalarda daim birmənalı şəkildə dəstəklənən Azərbaycanın BMT-nin qətnamələrini özü yerinə yetirməsi onun beynəlxalq hüququn prinsiplərinə hörmətinin parlaq nümunəsidir. Həmçinin TÜRKPA olaraq hərbi əməliyyatlar zamanı bir neçə dəfə Azərbaycanın ədalətli mövqeyini dəstəklədiyimizi verdiyimiz bəyanatlarda, xüsusilə Azərbaycan şəhərlərində mülki əhalinin raket atəşinə tutulmasını şiddətlə qınadığımızı bildirmişik. Eləcə də şəxsən mən və Katibliyin digər əməkdaşları atəşə məruz qalmış şəhərlərə səfərlər edərək raket hücumlarının nəticələri ilə yerində tanış olub, əldə etdiyimiz məlumatlar əsasında tərəfimizdən müvafiq hesabat hazırlanaraq əməkdaşlıq etdiyimiz 12 beynəlxalq parlamentlərarası təşkilata göndərilib.

Azərbaycanın zəfəri onun böyük hərbi və diplomatik uğurudur. Təbii ki, bu Qələbənin təməlində böyük zəhmət və yorulmaz fəaliyyət dayanır. Sizin rəhbərliyinizlə Azərbaycanda dövlət quruculuğu prosesi, iqtisadi durumun və sosial rifahın yaxşılaşdırılması, ölkənin hərbi gücünün artırılması, xalq həmrəyliyinin möhkəmləndirilməsi istiqamətində görülən tədbirlər qazanılmış şanlı zəfərdə böyük paya malikdir. Tarixi ədalətin bərpa olunması Azərbaycan xalqının həmrəyliyini və dövlətinə dəstəyini bir daha nümayiş etdirdi. Məhz Sizin Sərəncamınızla hər il noyabrın 8-nin Azərbaycanda Zəfər Günü kimi qeyd edilməsi qardaş Azərbaycan xalqı üçün müstəsna əhəmiyyətə malik bu bənzərsiz qələbəni əbədiləşdirəcəkdir.

Möhtərəm cənab Prezident, artıq uzun müddətdir öz torpaqlarında yaşamaq imkanından məhrum olan insanlar bu Qələbə nəticəsində doğma yurdlarına dönə biləcəklər. Əminəm ki, azad edilmiş torpaqlarda həyat yenidən dirçələcək və bölgə qısa zamanda regionun cəlbedici turizm istiqamətlərindən birinə çevriləcək. Həmçinin fürsətdən istifadə edərək təşkilatımızın yaxın gələcəkdə nəzərdə tutulan tədbirlərin bəzilərini azad edilmiş torpaqlarda həyata keçirməsi arzusunu da məmnuniyyətlə Sizə çatdırıram.

Böyük Zəfər münasibətilə Sizi bir daha təbrik edir, Azərbaycan xalqına sülh və əmin-amanlıq arzulayır, Zati-alinizə dərin hörmət və ehtiramımı izhar edirəm.

Dərin hörmət və ehtiramla,

Altınbek Mamayusupov

Türkdilli Ölkələrin Parlament Assambleyasının Baş katibi


NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM