23:59 01 Mart 2021
ONLINE XƏBƏR LENTİ
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Texas ştatının qanunvericiləri bu ştatın müstəqilliyi və ABŞ-dan ayrılması barədə referendum keçirməyə hazırlaşırlar
ANA SƏHİFƏ / DÜNYA
15:04 16.01.2021

 

Texasın Birləşmiş Ştatlardan çıxması barədə söhbətlər heç vaxt səngiməyib, hərçənd onun ABŞ-dan ayrılması real görünmür.

AZƏRTAC xəbər verir ki, bu dəfə Texas ştatının qanunvericilərindən biri ABŞ federal hökumətinin siyasətindən narazı olduğuna görə Texasın ABŞ-dan ayrılması məsələsini referenduma çıxarmaq istəyir. Həmin qanunvericinin tərəfdarlarının sözlərinə görə, onun niyyəti çox ciddidir.

Xatırladaq ki, hələ 1836-cı ildə Meksikadan ayrılmış Texas ştatı 1845-ci il dekabrın 29-dək ayrıca dövlət kimi mövcud olub və həmin gündən Amerikanın 28-ci ştatına çevrilib.

Texasın ABŞ-dan ayrılması hərəkatını Britaniyadakı “Brexit” layihəsinə analogiya üzrə “Texit” adlandırırlar. Ştatın qanunverici orqanı yaxın günlərdə həmin layihəni qanun layihəsi kimi müzakirəyə çıxaracaq. Layihəyə əsasən 2021-ci ilin noyabr ayında ştatın ayrılması məsələsinə dair referendum keçirilməlidir. Qeyd edək ki, ABŞ paytaxtında 5 nəfərin ölümü ilə nəticələnmiş Kapitoliyə kütlənin hücumundan sonra bu ideya aktuallaşıb.

Ştatın Respublikaçılar partiyasından olan nümayəndəsi, təsərrüfat malları mağazasının sahibi və silah alverçisi Kayl Biderman bildirib ki, Texasın Birləşmiş Ştatlardan müstəqilliyini təsdiq etmək lazım olub-olmaması məsələsi referenduma çıxarılacaq. Texas qanunvericilik məclisinin üzvünün fikrincə, federal hökumət nəzarətdən çıxıb. Onun sözlərinə görə, texaslıların çoxu bu fikirlər razıdır.

Əgər qanun layihəsi komitələrdə dinləmələr zamanı bəyənilərsə, bu sənəd ştatın 150 nümayəndəsi və 31 senator qarşısında səsverməyə qoyula bilər. Başqa ştatlarda da ABŞ-dan ayrılma hərəkatları mövcuddur. Məsələn, Alyaskanın Müstəqillik partiyasının üzvləri də bu ştatın sakinlərinə ABŞ-dan ayrılmağa dair səsvermə keçirilməsi imkanı verilməsini istəyirlər. Lakin bəzi qrupların istəklərinə baxmayaraq, həmin ştatlarda yaşayan sakinlərin əksəriyyəti ABŞ-dan ayrılmağı arzu etmirlər.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM