20 Yanvar 2021 17:46
607
SİYASƏT
A- A+

Qarabağ zəfəri bütün şəhidlərimizin haqq mübarizəsinin ədalətli yekunu oldu    

Azərbaycan Respublikasının Çin Xalq Respublikasındakı səfirliyində 20 Yanvar hadisələrinin ildönümünə həsr olunmuş anım mərasimi keçirilib.

AZƏRTAC xəbər verir ki, Çində yaşayan soydaşlarımızın və tələbələrin iştirak etdikləri tədbirdə 20 Yanvar şəhidlərinin xatirəsi bir dəqiqəlik sükutla yad edilib.

Qanlı Yanvar hadisələrin tarixi köklərindən danışan səfir Əkrəm Zeynallı bildirib ki, keçmiş SSRİ rəhbərliyi azadlıq və suverenlik uğrunda mübarizəyə qalxmış Azərbaycan xalqının istəyini boğmaq üçün 1990-cı il yanvarın 19-dan 20-nə keçən gecə Bakıya hərbi birləşmələr yeridilməsinə, əliyalın xalqın gülləbaran edilməsinə əmr verib. Həmin qətllər zamanı uşaqlar, qadınlar, yaşlı insanlar daxil olmaqla, 147 mülki vətəndaş öldürülüb, təxminən 800 nəfər yaralanıb, bir o qədər sakin qanunsuz həbs edilib, itkin düşən bir neçə nəfərin taleyindən sisə hələ də xəbər yoxdur.

Qeyd olunub ki, 20 Yanvar faciəsi müasir tariximizdə ən qanlı günlərdən biri olmaqla yanaşı, eyni zamanda, xalqımızın qəhrəmanlıq səhifəsidir. Sovet rəhbərliyinin azadlıq uğrunda mübarizəyə qalxmış Azərbaycan xalqını silah gücünə susdurmaq niyyəti insan tələfatı ilə nəticələnsə də, xalqımızın iradəsini qıra, azadlıq eşqini söndürə bilmədi. Vətəninin azadlığını və suverenliyini qoruyaraq şəhid olan Azərbaycan xalqının mərd övladları parlaq qəhrəmanlıq salnaməsi yaradıblar. 20 Yanvar hadisələri Azərbaycanın azadlıq və müstəqillik mübarizəsində həlledici rol oynadı və 1991-ci ilin oktyabrın 18-də Azərbaycan öz müstəqilliyini elan etdi.

Bildirilib ki, ulu öndər Heydər Əliyevin Moskvada Azərbaycanın daimi nümayəndəliyində mətbuat konfransı keçirərək, qanlı hadisələrlə bağlı həqiqətlərin dünyaya çatdırıb. O, 20 Yanvar hadisələrində xalqımıza qarşı törədilən qırğına siyasi qiymət verilməsini və günahkarların cəzalandırılmasını tələb edib. Ümummilli lider Heydər Əliyevin Azərbaycanda siyasi hakimiyyətə qayıdışından sonra 20 Yanvar faciəsini törədənlərin adları rəsmi şəkildə açıqlandı, hadisə öz hüquqi-siyasi qiymətini aldı.

20 Yanvar hadisələrinin builki anım mərasiminin əvvəlkilərdən fərqləndiyini vurğulayan səfir Ə.Zeynallı bildirib ki, müzəffər Ali Baş Komandan, Prezident İlham Əliyevin rəhbərliyi altında Silahlı Qüvvələrimizin Qarabağı Ermənistanın işğalından azad etməsi 20 Yanvar hadisələrinin qurbanları da daxil olmaqla, bütün şəhidlərimizin haqq mübarizəsinin ədalətli yekunu oldu. Bu zəfər Azərbaycanın güclü liderə, qüdrətli orduya sahib olduğunu nümayiş etdirməklə yanaşı, beynəlxalq aləmdə ölkəmizə olan münasibəti də xeyli dəyişdi.

Sonda 20 Yanvar faciəsindən bəhs edən film nümayiş olunub. Tədbir iştirakçıları hadisələri əks etdirən fotosərgiyə baxıblar.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video