19:18 28 Fevral 2021
ONLINE XƏBƏR LENTİ
01:20 28.02.2021

Qətiyyətin təntənəsi


01:17 28.02.2021

Prezident qayğısı


00:52 28.02.2021

Qisasın alındı, Xocalı!


Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Moskva Konservatoriyasının professoru Fərəc Qarayev Rusiya mədəniyyət xadimlərinin Qarabağda xristian abidələrinin qorunması barədə UNESCO-ya müraciəti ilə əlaqədar etirazını bildirib
ANA SƏHİFƏ / MƏDƏNIYYƏT
00:25 24.11.2020
Xəbər verildiyi kimi, bu günlərdə Rusiyanın bir sıra mədəniyyət xadimləri UNESCO-ya müraciət edərək Dağlıq Qarabağdakı xristian abidələrinin Ümumdünya İrsi Obyektlərinin Siyahısına daxil olunmasını xahiş ediblər. Müraciəti dirijorlar Vladimir Spivakov və Teodor Kurentzis, musiqiçi Boris Qrebenşikov, rejissorlar Aleksandr Sakurov, Aleksey Qerman (oğul) və başqaları imzalayıblar.

Moskva Konservatoriyasının professoru, Moskva Bəstəkarlar İttifaqının üzvü Fərəc Qarayev həmin müraciəti imzalamış dirijorlar Vladimir Spivakova və Teodor Kurentzisə açıq məktubla çıxış edib.

AZƏRTAC həmin açıq məktubun mətnini təqdim edir.

"Hörmətli həmkarlar, Sizin UNESCO-ya müraciətinizin mətni ilə tanış oldum və Azərbaycan ərazisində yerləşən xristian mədəni, bədii və memarlıq abidələrinin Ümumdünya İrsi Obyektlərinin Siyahısına daxil edilməsi barədə təklifinizi əlbəttə, mən də dəstəkləyirəm. Mübahisə etmirəm, bu, həqiqətən zəruridir!

Daha sonra siz şikayətlənirsiniz ki, bu abidələri də Suriyadakı Palmiranın faciəli taleyi gözləyir – bu unikal şəhərin İŞİD-in (Rusiyada qadağan edilmiş təşkilatın) üzvləri tərəfindən necə dağıdıldığını yaxşı xatırlayırıq. Siz Dağlıq Qarabağda mədəniyyət abidələrinə qayğı göstərərək və bu kontekstdə Palmiranı xatırlamaqla, istər-istəməz Azərbaycanı bütün sivil dünya tərəfindən rədd edilmiş ən dəhşətli terror təşkilatlarından biri ilə müqayisə edirsiniz.

Bu müqayisə hədsiz dərəcədə həyasızlıq deyilmi?

Hörmətli həmkarlar, Sizə xatırlatmaq istərdim ki, bugünkü Azərbaycan multikulturalizm qanunları ilə yaşayan çoxmillətli və çoxkonfessiyalı dövlətdir. Yeri gəlmişkən, müsəlman və iuda mədəni irsi kimi xristian mədəni irsinin də qorunması dünyəvi Azərbaycan hökumətinin prioritetlərindən biridir. Prezident İlham Əliyev Rusiya Prezidenti Vladimir Putini məlumatlandıraraq bildirib ki, Qarabağdakı dini abidələr qorunub saxlanacaq və kilsələrin normal fəaliyyəti təmin ediləcək. O deyib: "Azərbaycan tərəfi məhz bu istiqamətdə fəaliyyət göstərəcək”.

Azərbaycan Prezidentinin əməli işi isə heç vaxt onun sözlərinə zidd olmur!

Sizdən soruşmaq istərdim: Siz bilirsinizmi ki, Azərbaycanın Dağlıq Qarabağa daxil olmayan yeddi rayonu təxminən otuz il müddətində qonşu dövlət tərəfindən işğal altında olub? Bilirsinizmi ki, həmin rayonlarda orta əsrlərə aid xristian monastırlarından əlavə çoxsaylı məscidlər, habelə Xocavənddə pravoslav kilsəsi də vardı?

İndi isə sizin diqqətinizə bir neçə fotoşəkil təqdim edirəm. Həmin fotoşəkillərdə həmin pravoslav məbədinin bu illər ərzində nəyə çevrilməsi əyani şəkildə görünür.

FOTO: XOCAVƏND 1 rus pravoslav kilsəsi.

FOTO: XOCAVƏND 2 rus pravoslav kilsəsi.

Dağıdılmış məbədin divarını "bəzəyən” QARİK adına fikir verin. Azərbaycanlılar arasında bu ada rast gəlməzsiniz, lakin qonşu ölkənin sakinləri arasında bu ad geniş yayılıb.

Bu da məscidlərin fotoşəkilləri.

Zəngilandakı məscid donuz tövləsinə,

FOTO ZƏNGİLAN məscid

Ağdamdakı məscid isə mal tövləsinə çevrilib.

FOTO AĞDAM məscid

Vaxtilə çiçəklənən, firavanlasan Ağdam şəhəri özü isə bu illər ərzində kabus-şəhərə çevrilib.

FOTO AĞDAM kabus-şəhər

FOTO: Ağdam 1

FOTO: Ağdam 2

Dağlıq Qarabağın incisi və ya Qafqazın konservatoriyası adlanan Şuşa şəhəri noyabrın 10-una keçən gecə azad edilib. Azərbaycan əsgərləri orada nə gördülər?

Baxın, bu, görkəmli Azərbaycan müğənnisi Bülbülün dağıdılmış ev-muzeyinin həyətində onun abidəsidir.

FOTO BB1 FOTO BB2

Təkcə Şuşada iki yüzə yaxın mədəniyyət abidəsi, o cümlədən Pənah xanın sarayı və saray kitabxanası, Xan sarayı və karvansara, Saatlı məscid, Yuxarı Gövhərağa və Aşağı Gövhərağa məscidləri, Vaqifin məqbərəsi, şairə Natəvanın evi (Aleksandr Düma (ata) Qafqaza səyahət zamanı Natəvanla şahmat oynayıb) dağıdılıb.

Yaxın vaxtlarda UNESCO-nun xüsusi komissiyası işğaldan azad edilmiş ərazilərə səfər etməlidir. Bu komissiyanın üzvləri aşağıdakı siyahıda sadalanan dağıdılmış obyektləri öz gözləri ilə görəcəklər:

1. 4.600.000 nüsxə kitabın saxlandığı 927 kitabxana;

2. 700 tarix və mədəniyyət abidəsi;

3. 808 Mədəniyyət sarayı, Mədəniyyət evi və klub;

4. 85 musiqi məktəbi və təsviri incəsənət məktəbi;

5. 100.000 eksponatın saxlandığı 22 muzey və muzey filialları;

6. 4 rəsm qalereyası, 4 teatr, 2 konsert salonu;

7. VII-XII əsrlərdə tikilmiş Xudafərin körpüləri;

8. Xaçın Türbətli kəndində məqbərə, Ağdam rayonu, XIV əsr;

9. İbtidai insan məskəni olmuş Azıx mağarası. Geri çəkilən işğalçılar bu mağaranı minalamışdır (!!!).

Hörmətli həmkarlar, razılaşın ki, İŞİD terrorçuları ilə azərbaycanlıları yox, qonşu ölkənin sakinlərini müqayisə etmək lazımdır!

Hörmətli Vladimir Teodoroviç və ondan heç də az hörmətli olmayan Teodor İohannoviç, Azərbaycan xalqının təhqir edilməsinə görə heç kəs Sizin üzrxahlıq etməyinizi tələb etmir, belə vəziyyətdə üzrxahlıq sözlərinin mənası yoxdur.

Lakin hörmətli həmkarlar, bəlkə indi Sizin ağlınıza nurlu bir fikir gəlsin: Azərbaycanın yerlə yeksan edilmiş şəhərlərindən birinə səfər edəsiniz və orada simfonik konsert verəsiniz? Bununla siz orada baş verən hadisələrə özünüzün vicdanlı və qərəzsiz münasibətinizi vurğulayardınız, musiqi sizin ədalətsiz ittihamlarınızı hamarlayar, sizin renomeniz tamamilə bərpa olunardı. Axı, maestro Valeri Gergiyev öz orkestri ilə birlikdə konsert vermək üçün yerlə yeksan olmuş Palmiraya gələrək vandallara, vəhşilərə və dağıdıcılara öz münasibətini məhz bu şəkildə nümayiş etdirmişdi. Əminəm ki, Azərbaycana və onun xalqına münasibətdə bu cür hərəkət etməyiniz Sizin nəcib vətəndaşlıq mövqeyinizi təsdiq etmiş olardı”.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM