05:24 09 Mart 2021
ONLINE XƏBƏR LENTİ
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Küveyt qəzetlərində 20 Yanvar hadisələrindən bəhs edilib
 
ANA SƏHİFƏ / SİYASƏT
18:14 20.01.2021

 

Küveytin ərəbdilli “Əl-Ray” qəzetində 20 Yanvar faciəsindən bəhs edən məqalə dərc olunub. Həmçinin “Dasmannews” elektron qəzetində Azərbaycanın Küveytdəki səfiri Elxan Qəhrəmanın mövzu ilə bağlı müsahibəsi dərc edilib. Bu barədə AZƏRTAC-a Azərbaycanın Küveytdəki səfirliyindən məlumat verilib.

Müsahibədə səfir 1990-cı ildə Küveytin işğal edilməsi zamanı şəhid olmuş 13 vətəndaşın qalıqlarının bu günlərdə tapılması ilə bağlı Küveyt Dövlətinə və xalqına, şəhidlərin yaxınlarına başsağlığı verib. O, eyni zamanda, iki dost və qardaş ölkənin qonşuları tərəfindən başlarına gətirilən faciələr səbəbindən talelərinin bir-birilərinə yaxın olduğunu vurğulayıb, vətənlərinin azadlığı uğrunda həyatını itirmiş şəhidlərin qəhrəmanlıqları və böyük fədakarlıqları ilə qürur mənbəyi olduğunu bildirib.

Eyni zamanda, qeyd olunub ki, 1990-cı ildə Azərbaycan Respublikası qonşularının hücumuna məruz qaldı və bu təcavüz nəticəsində Vətən uğrunda özünü qurban verən bir çox dinc insan şəhid oldu, itkin düşdü və bu səbəbdən də Azərbaycan xalqı qardaş Küveyt xalqının əzablarını hiss edir, çünki onlar vətənlərinin azadlığı uğrunda eyni sınaq və faciəni yaşamışlar.

1990-cı il yanvar ayının 20-də keçmiş Sovet İttifaqının qüvvələri tərəfindən doğma yurdunun azadlığının və öz hüquqlarının müdafiəsinə qalxmış Azərbaycan xalqına qarşı insanlıq əleyhinə qatı cinayətin törədildiyi, bu faciənin törədilməsi ilə beynəlxalq hüquq normalarının kobudcasına pozulduğu, Bakı şəhərində xüsusi qəddarlıq və misli görünməmiş vəhşiliklər nəticəsində 147 nəfərin öldürüldüyü, 700 nəfərdən çox insanın yaralandığı, 200 mənzilin dağıdılıb yandırıldığı, 800 nəfərdən çox insanın qanunsuz həbs edildiyi qeyd olunub. 20 Yanvar faciəsində şəhid olanların xatirəsinin Azərbaycan xalqının yaddaşında əbədi yaşayacağı vurğulanıb.

Sonda səfir bildirib ki, 20 Yanvar təcavüzü və sonrakı faciəli hadisələr Azərbaycanın müstəqilliyinin təməlini təşkil etdi və Azərbaycan xalqının öz suverenliyini və müstəqilliyini qazanmaq iradəsini zəiflətmədi. Böyük əziyyətlərə və fədakarlıqlara baxmayaraq, Azərbaycan cəmiyyətinin bütün təbəqələri və qrupları sovet işğalına müqavimət göstərmək üçün qüvvələrini birləşdirərək 1991-ci ildə Azərbaycanın müstəqilliyi əldə etdi.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM