00:04 21 Aprel 2021
ONLINE XƏBƏR LENTİ
17:04 20.04.2021 Məşhur A68 aysberqi əridi
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

İslam ölkələrində elm, təhsil və mədəniyyət üzrə gənc liderlərin hazırlığı məsələləri müzakirə edilib
ANA SƏHİFƏ / TƏHSIL
21:25 23.02.2021

 

İslam ölkələrində elm, təhsil və mədəniyyət sahələrində gənc liderlərin hazırlığı, onların ən müasir təhsil sisteminə cəlb edilməsi məsələləri müzakirə olunub.

AZƏRTAC xəbər verir ki, müzakirələrin aparıldığı konfrans İslam Dünyası Elm, Təhsil və Mədəniyyət Təşkilatı (ICESCO) ilə Almaniyanın Konrad Adenauer Fondunun birgə təşkilatçılığı ilə keçirilib.

ICESCO-nun baş qərargahında “Qərarların qəbulunda strateji baxış” mövzusunda keçirilən ikigünlük konfransda müxtəlif universitetlərin 60-dan çox tələbəsi iştirak edib. Çıxış edənlər bildiriblər ki, COVID-19 pandemiyası dövründə təşkilata üzv ölkələrin ali təhsil müəssisələrində virtual təhsil önə çıxıb və bu yeni imkanlardan istifadə edərək daha mükəmməl təhsil proqramlarının hazırlanması bir zərurətə çevrilib. Beynəlxalq təşkilatlar, o cümlədən ICESCO müsəlman gənclərin yeni dövrün tələblərinə uyğun yüksək səviyyədə təhsili məqsədilə yeni layihələr həyata keçirirlər. İlk növbədə, məktəb və universitetlərin texnoloji təminatı gücləndirilməli, şagird və tələbələrin yüksək sürətli internetə əlçatanlığı, son model kompüterlərdən istifadəsi təmin edilməlidir.

ICESCO-nun Strateji Proqnozlaşdırma Mərkəzinin direktoru Kais Həmmami bildirib ki, təşkilatın gənc liderlərin hazırlanması üzrə xüsusi proqramı həyata keçiriləcək. Yaxın vaxtlarda üzv ölkələrin universitetlərinin, gənclərin iştirakı ilə kurslar, gənc alimlərin tədqiqat əsərlərinin qiymətləndirilməsi üzrə konfranslar təşkil ediləcək.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM