Estoniyanın Baş naziri Yuri Ratas "Porto Franco" daşınmaz əmlak şirkətinə dövlət kreditinin verilməsi ilə əlaqədar korrupsiya qalmaqalı  istefa verdiyini bildirib.

O, Facebookda yazıb: "Siyasətdə mürəkkəb vəziyyətlərin həlli üçün çox çətin seçim etmək lazım gəlir. Bu gün yaranmış vəziyyətdə mən öz dəyərlərimdən irəli gələrək, Estoniya Respublikasının Baş naziri vəzifəsindən istefa verməyi qərara almışam. Bu qərarı Mərkəzçi Partiyanın idarə heyəti və fraksiyası ilə məsləhətləşmələrdən sonra qəbul edilib".

Hökumət başçısı qeyd edib ki, təqdim edilən şübhələr birmənalı olaraq təqsir demək deyil, lakin bütün iştirakçılara kölgə salır.

Ratas əlavə edib ki, onun bəyanatı faktiki olaraq mühafizəkar Xalq Partiyası və Vətən Partiyasının da daxil olduğu hazırkı hakim koalisiyanın sonu deməkdir.

Onun dediyinə görə, hazırda "Mərkəzçi Partiya Estoniya siyasətində həm müxalifətdə, həm də koalisiyada olmaq imkanını nəzərdən keçirir".

Ötən gün Estoniyada hüquq-mühafizə orqanları Mərkəzçi Partiya, partiyanın baş katibi Mixail Korba, maliyyə nazirinin müşaviri Kersti Kraxta, sahibkar Hillar Tederə və daha iki şəxsə şübhə irəli sürüblər. Onlar Porto Franco şirkətinə güzəştli kredit verməkdən şübhəli bilinirlər. Bunun üçün sahibkar siyasətçilərə yerli seçkilər üçün 1 milyon avro məbləğində ianə verməyi öhdəsinə götürmüşdür .

Bundan əvvəl Estoniyanın təhsil naziri Maylis Reps xidməti avtomobillə bağlı qalmaqaldan sonra işdən çıxarılıb. Jurnalistlər nazirin avtomobildən şəxsi məqsədlər üçün istifadə etdiyini öyrəniblər. Nazirliyin sürücüsü müntəzəm olaraq Repsin altı uşağını məktəbə və dərnəklərə aparırmış.