Əlcəzair KİV-lərində 20 Yanvar faciəsi haqqında məqalə dərc edilib
Əlcəzairin “Əş-Şuruq” qəzetində və “Dazyerinfo” informasiya portalında Azərbaycanın Əlcəzairdəki müvəqqəti işlər vəkili İlham Əliyevin 20 Yanvar faciəsindən bəhs edən geniş məqaləsi dərc edilib.
AZƏRTAC xəbər verir ki, məqalədə xalqımızın azadlıq və müstəqillik əzmini məhv etmək istəyən sovet rejiminin 1990-cı il yanvarın 19-dan 20-nə keçən gecə Bakıda qanlı cinayət törətdiyi qeyd olunur. Diqqətə çatdırılır ki, həmin gecə sovet ordusu Azərbaycan paytaxtında dinc insanlara atəş açıb, yüzlərlə günahsız sakini, o cümlədən qadın və uşaqları qətlə yetirib və yaralayıb.
Müəllif vurğulayıb ki, Azərbaycan xalqı həmin ağır günlərdə ümummilli lider Heydər Əliyevin respublikamızın Moskvadakı daimi nümayəndəliyinə gələrək bu dəhşətli cinayəti törədənlərin və onun təşkilatçılarının cəzalandırılmasını tələb etməsini heç bir zaman unutmayacaq. Məhz bu bəyanat Qanlı Yanvar hadisələrinə verilən ilk siyasi qiymət idi. Lakin bu faciə xalqımızın iradəsini sındıra, onun azadlıq və müstəqillik əzmini yox edə bilmədi, əksinə, cəmiyyətin bütün təbəqələrinin daha sıx birləşməsinə səbəb oldu. Həmin hadisələrin kulminasiya nöqtəsi isə 1991-ci ildə Azərbaycan Respublikasının öz müstəqilliyini elan etməsidir.
Müəllif qeyd edir ki, Azərbaycan Respublikası öz müstəqilliyini bərpa etdikdən sonra siyasi-iqtisadi sahələrdə böyük uğurlar əldə edib, xarici sərmayələr üçün ən əlverişli ölkələrdən birinə çevrilib. Hazırda ölkəmiz Avropanın enerji təhlükəsizliyində mühüm rol oynayır və region ölkələri üçün ən mühüm tərəfdaşdır.
Müstəqilliyinin ilk illərində Ermənistanın hərbi təcavüzü ilə qarşı-qarşıya qalan Azərbaycanın ərazilərinin 20 faizinin işğal olunduğunu diqqətə çatdıran müəllif qeyd edib ki, ötən il sentyabrın 27-də düşmənin növbəti hərbi təxribatından sonra öz torpaqlarını azad etmək üçün Vətən müharibəsi aparan Ordumuz 44 gün ərzində torpaqlarımızı düşmən tapdağından azad edib və ölkəmizin beynəlxalq miqyasda tanınan ərazi bütövlüyü bərpa olunub.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Husilər tərəfindən iki ticarət gəmisi və bir Amerika esminesi hücuma məruz qalıb
25 Aprel
Bakıda Rusiya Kinosu Günlərinin təntənəli açılış mərasimi olub
24 Aprel
Türkiyə XİN 1915-ci il hadisələri ilə bağlı bəyanat yayıb
24 Aprel
COP29 Sədrliyi ölkə pavilyonlarının təşkili üzrə müraciətlərin qəbuluna başlayıb ...
24 Aprel
Azərbaycan Prezidentinin xüsusi tapşırıqlar üzrə nümayəndəsi BBC radiosuna müsahibə verib...
24 Aprel
Üzgüçülük üzrə açıq Azərbaycan çempionatı start götürüb
24 Aprel
XİN: Azərbaycan BMT-nin insan hüquqları sahəsində müvafiq müqavilə qurumları ilə əməkdaşlığa böyük ö...
24 Aprel
Qırğız Mədəniyyəti Günləri çərçivəsində Heydər Əliyev Mərkəzində sərgi açılıb
24 Aprel
Azərbaycan Kuboku: “Qarabağ” “Neftçi”ni cavab oyununda da məğlub edərək finala yüksəlib...
24 Aprel
Bakıda Qırğız Mədəniyyəti Günlərinin açılış mərasimi olub
24 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!