16:06 04 Mart 2021
ONLINE XƏBƏR LENTİ
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Co Bayden ABŞ Dövlət Departamenti rəhbərinin birinci müavini vəzifəsinə Vendi Şermanın namizədliyini irəli sürüb
ANA SƏHİFƏ / DÜNYA
13:34 18.01.2021

 

ABŞ-ın yeni seçilmiş Prezidenti Co Bayden ABŞ Dövlət Departamenti rəhbərinin birinci müavini vəzifəsinə Vendi Şermanın namizədliyini irəli sürüb.

AZƏRTAC xəbər verir ki, xanım Şerman Barak Obama administrasiyasında ABŞ dövlət katibinin siyasi məsələlər üzrə müavini olub və ABŞ ilə İran arasında nüvə proqramına dair danışıqlarda həmin danışıqları aparanlar qrupuna rəhbərlik edib. Bundan əlavə, o, Bill Klinton administrasiyasının Şimali Koreyada yürütdüyü siyasətin əlaqələndiricisi olub. Vendi Şerman həm də Dövlət Departamentində müşavir və qanunvericilik məsələləri üzrə dövlət katibinin köməkçisi vəzifələrində çalışıb. Hazırda o, Harvard Kennedi məktəbi yanında İctimai Liderlik Mərkəzinin direktoru və “Albright Stonebridge Group” konsaltinq şirkətində böyük məsləhətçidir.

Bayden daha sonra elan edib ki, dövlət katibinin siyasi məsələlər üzrə müavini vəzifəsinə Viktoriya Nulandın namizədliyi irəli sürülüb. Nuland əvvəllər Obama administrasiyasında dövlət katibinin Avropa və Avrasiya məsələləri üzrə köməkçisi vəzifəsində çalışıb.

Bayden Şerman və Nulanddan əlavə dövlət katibinin idarəçilik və büdcə məsələləri üzrə müavini kimi Brayan MakKeonun, dövlət katibinin silahlara nəzarət və beynəlxalq təhlükəsizlik məsələləri üzrə müavini kimi Bonni Cenkinsin, habelə dövlət katibinin mülki təhlükəsizlik, demokratiya və insan haqları üzrə müavini kimi Ueru Zeyyunun namizədliyini nəzərdən keçirir. Bu potensial namizədlərin hamısı Obama administrasiyasında yüksək vəzifələr tutublar.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM