19:28 28 Fevral 2021
ONLINE XƏBƏR LENTİ
01:20 28.02.2021

Qətiyyətin təntənəsi


01:17 28.02.2021

Prezident qayğısı


00:52 28.02.2021

Qisasın alındı, Xocalı!


Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Böyük Britaniya parlamentinin İcmalar Palatasının üzvü, Azərbaycanla dostluq qrupunun sədri Bob Bləkməndən
ANA SƏHİFƏ / MƏKTUBLAR
14:04 03.10.2020

Azərbaycan Respublikasının Prezidenti Zati-aliləri cənab İlham Əliyevə

Hörmətli cənab Prezident.

Ermənistanın Azərbaycana qarşı həyata keçirdiyi son silahlı təcavüz ilə əlaqədar Sizə yazıram.

Ermənistan silahlı qüvvələrinin 2020-ci il sentyabrın 27-də saat 06:00 radələrində atəşkəs rejimini kobud şəkildə pozaraq iriçaplı silahlardan, minaatanlardan və artilleriyadan istifadə edərək Azərbaycanın Silahlı Qüvvələrinin mövqelərini intensiv atəşə məruz qoyması ilə bağlı xəbərləri oxuduqda çox kədərləndim.

Bu fürsətdən istifadə edərək, Azərbaycanın hərbi qulluqçularının Ermənistanın növbəti hərbi təcavüzünün qarşısını almaq və mülki əhalinin təhlükəsizliyini təmin etmək məqsədilə zəruri əks-hücum tədbirləri gördüyü bir vaxtda öz dəstəyimi bildirmək istəyirəm.

Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli, həmçinin Cəbrayıl rayonunun Cocuq Mərcanlı kəndlərində faciəvi şəkildə həyatını itirən mülki şəxslərin yaxınlarına başsağlığı verir, yaralananlara şəfa diləyir, eləcə də bir çox evlərə və mülki infrastruktura dəymiş geniş ziyandan hiddətləndiyimi bildirirəm.

Cəbhə xətti boyunca sıx məskunlaşmış mülki ərazilər və qurğular Ermənistan silahlı qüvvələri tərəfindən qəsdən hədəfə alınıb və bombalanıb. Ermənistan silahlı qüvvələri cəbhəboyu yaşayış məntəqələrini bombalamağa davam edirlər.

Aydındır ki, Ermənistanın yaşayış məntəqələrini və mülki insanları qəsdən hədəfə alması 1949-cu il tarixli Cenevrə Konvensiyası da daxil olmaqla, beynəlxalq humanitar hüququn kobud şəkildə pozulmasıdır. Mülki əhalinin hədəfə alınması Ermənistanın silahlı qüvvələrinin döyüş planına daxil edilmiş bir taktikadır və 1992-ci ilin fevralında törədilmiş Xocalı soyqırımı da bunun əyani sübutudur.

Ermənilərin iriçaplı silahlardan istifadə etməklə Azərbaycan Ordusunun mövqelərini, mülki şəxsləri və mülki infrastrukturu atəşə tutması Beynəlxalq hüquqa əsasən Azərbaycana qarşı növbəti hərbi təcavüz və güc tətbiqi aktıdır.

Azərbaycan Ermənistanın yeni təcavüz aktına və fəal şəkildə müharibəyə hazırlaşması barədə beynəlxalq ictimaiyyətə dəfələrlə xəbərdarlıq edib. Azərbaycan dəfələrlə bəyan edib ki, Ermənistanın Azərbaycana qarşı davam edən hərbi təcavüzü və Ermənistan silahlı qüvvələrinin Azərbaycanın işğal olunmuş ərazilərində qalması regional sülhə və təhlükəsizliyə çox ciddi təhlükə olaraq qalmaqdadır.

BMT Baş Assambleyasının 75-ci sessiyasının ümumi müzakirələri fonunda, dünyanın COVID-19 pandemiyasına qarşı mübarizə apardığı bir vaxtda Ermənistanın hərbi-siyasi rəhbərliyi növbəti avantüra və hərbi təxribata əl atıb. Ermənistan rəhbərliyi bu hərəkətləri ilə bir daha beynəlxalq hüquqa, BMT Nizamnaməsinə və beynəlxalq ictimaiyyətə kobud hörmətsizlik nümayiş etdirib.

Mövcud vəziyyətə və hadisələrin gələcək inkişafına görə tam məsuliyyət Ermənistanın siyasi-hərbi rəhbərliyinin üzərinə düşür.

Beynəlxalq ictimaiyyət tərəfindən razılaşdırıldığı kimi, bütün Dağlıq Qarabağ bölgəsinin Azərbaycana qaytarılmasını və məcburi köçkünlərin təhlükəsiz şəraitdə öz evlərinə qayıtmaq imkanını səbirsizliklə gözləyirik.

Mən və Böyük Britaniya-Azərbaycan parlamentlərarası dostluq qrupu sizin yanınızdayıq və parlamentdə təbliğat işləri aparmağa davam edəcəyik.

Hörmətlə,


Bob Bləkmən

Böyük Britaniya parlamentinin İcmalar Palatasının üzvü,

Azərbaycanla dostluq qrupunun sədri


NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM