BERNAMA agentliyi: Xocalı qurbanları ədalət gözləyir
Malayziyanın ən böyük xəbər istehsalçısı olan BERNAMA Dövlət İnformasiya Agentliyi Xocalı soyqırımının 29-cu ildönümü ilə əlaqədar geniş məqalə dərc edib.
AZƏRTAC xəbər verir ki, məqalədə Xocalıda törədilmiş qanlı qətliamın tarixi barədə ətraflı danışılıb, bu faciənin ictimai və siyasi cəhətləri təhlil edilib.
Yazıda vurğulanıb ki, bu dəhşətli hadisə birbaşa Ermənistanın Azərbaycan torpaqlarına qarşı keçirdiyi işğalçı siyasətin nəticəsidir. Xocalı soyqırımının 1988-ci ildən etibarən qonşu Ermənistan tərəfindən Azərbaycana qarşı irəli sürülən torpaq iddialarının və daha sonra şiddətli zorakılıq mərhələsinə keçən cinayətin tərkib hissəsi olduğu nəzərə çatdırılıb.
Bu qanlı hadisənin hələ 1994-cü ildə Azərbaycan xalqının Ümummilli Lideri Heydər Əliyevin təşəbbüsü ilə Milli Məclisdə soyqırımı statusu aldığı və həmin tarixdən etibarən 26 fevral tarixinin hər il Xocalı soyqırımı Günü kimi qeyd olunduğu bildirilib.
Həmçinin məqalədə Heydər Əliyev Fondunun vitse-prezidenti Leyla Əliyevanın təşəbbüsü ilə başladılan “Xocalıya Ədalət!” kampaniyasından bəhs edilib, bu kampaniya çərçivəsində görülən işlərin dünya ictimaiyyətinin faciə haqqında maariflənməsində xüsusi rol oynadığı ifadə olunub. Bildirilib ki, artıq bir çox ölkənin qanunverici orqanları Xocalı qətliamını tanıyaraq onun anımı ilə əlaqədar hüquqi aktlar qəbul edib.
Bundan başqa, məqalədə Azərbaycanın Malayziyadakı səfiri, bu ölkədəki diplomatik korpusun duayeni Qaley Allahverdiyevin fikirlərinə də yer verilib. Azərbaycan səfiri Ermənistan ilə Azərbaycan arasında etibarlı qonşuluğun təsisi üçün Ermənistan cəmiyyətinin Xocalı soyqırımını törədən cinayətkarları ədalətə təslim etməli olduğunu vurğulayıb.
Məqalədə İslam Əməkdaşlıq Təşkilatı (İƏT) çərçivəsində 2013-cü ildə qəbul edilmiş Qahirə Yekun Kommunikesinə və İƏT Xarici İşlər Nazirləri Şurasının ötən illər ərzində elan etdiyi qətnamələrə istinad edilib. Bu sənədlərdə Azərbaycanın işğal edilmiş ərazilərində azərbaycanlılara qarşı törədilmiş zorakılıqlar müharibə cinayəti, insanlığa qarşı cinayət və soyqırımı kimi qiymətləndirilib.
Məqalədə, həmçinin bir neçə gün əvvəl Azərbaycan Respublikasının İnsan Hüquqları üzrə müvəkkili Səbinə Əliyeva tərəfindən beynəlxalq ictimaiyyətə ünvanlanmış bəyanata da yer verilib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Roma Papası Ukrayna ilə bağlı danışıqlara başlamağa çağırıb
25 Aprel
İqlim dəyişmələri ilə bağlı beynəlxalq mübahisələrin sayı getdikcə artacaq
25 Aprel
Sabunçuda qızıl dükanını talayan və çətənə kolları əkən şəxslər saxlanılıblar
25 Aprel
Komitə sədri: Azərbaycanın əsas prioritetlərindən biri Türk dövlətləri ilə əlaqələrin gücləndirilməs...
25 Aprel
Bu gün dünyada dörd əlamətdar gün qeyd olunur
25 Aprel
Baş Prokurorluq Nəsib Quliyevin intiharı ilə bağlı dəqiqləşdirilməmiş xəbərlər yayan media subyektlə...
25 Aprel
Fuat Oktay: Türk dövlətlərinin bir araya gəlməsində məqsəd sülhü dəstəkləməkdir
25 Aprel
Vəkilliyə namizədlərin təntənəli andiçmə mərasimi keçirilib
25 Aprel
Çin Azərbaycan-Ermənistan münasibətlərinin normallaşması prosesindəki tərəqqini alqışlayır ...
25 Aprel
Aprelin 25-i Ümumdünya Malyariya ilə Mübarizə Günüdür
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!