05:40 28 Fevral 2021
ONLINE XƏBƏR LENTİ
01:20 28.02.2021

Qətiyyətin təntənəsi


01:17 28.02.2021

Prezident qayğısı


00:52 28.02.2021

Qisasın alındı, Xocalı!


00:19 28.02.2021

Virus qalxanı - anticisim


Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Azərbaycan ilə İordaniya arasında ailə, qadın və uşaq məsələləri sahəsində əlaqələrin inkişafına dair fikir mübadiləsi aparılıb
ANA SƏHİFƏ / CƏMİYYƏT
18:56 21.01.2021

 

Yanvarın 21-də Ailə, Qadın və Uşaq Problemləri üzrə Dövlət Komitəsinin sədri Bahar Muradova İordaniya Haşimilər Krallığının ölkəmizdəki səfiri Sami Asem Ğoşehlə görüşüb.

Komitənin mətbuat xidmətindən AZƏRTAC-a bildiriblər ki, görüşün təşəbbüsünə görə təşəkkürünü bildirən Bahar Muradova ölkələrimiz arasında əməkdaşlığın tarixi köklərə malik olduğunu vurğulayıb. Komitə sədri bu münasibətlərin yüksələn xətlə inkişaf etdiyini və ölkələrimizin müvafiq qurumları arasında mövcud əməkdaşlığın daha da inkişafı üçün imkanlar yaratdığını diqqətə çatdırıb.

Azərbaycanın tarixi Zəfəri barədə məlumat verən B.Muradova istər Qoşulmama Hərəkatı, istərsə də İslam Əməkdaşlıq Təşkilatına üzv dövlətlərin Vətən müharibəsinin getdiyi 44 gün ərzində sərgilədiyi mövqenin müharibədən sonrakı quruculuq dönəmində də davam edəcəyinə ümid etdiyini, dostluq münasibətlərimizin mövcud problemlərin həllində də mühüm rol oynayacağına əminliyini bildirib.

Səmimi qəbula görə komitə sədrinə minnətdarlıq edən səfir Sami Asem Ğoşeh Azərbaycan xalqının ümummilli lideri Heydər Əliyev və İordaniya lideri, mərhum Kral Hüseynin xalqlarımız arasında dostluğun əsasını qoyduğunu, bu gün bu əlaqələrin dövlət başçıları İlham Əliyev ilə İordaniya Kralı II Abdullah ibn Hüseyn al Haşim arasındakı səmimi qardaşlıq münasibətləri sayəsində daha da möhkəmləndiyini qeyd edib. Diplomat Azərbaycanla İordaniyanın dostluq və qardaşlıq münasibətlərinin eyni adət-ənənələr və islami dəyərlərə söykəndiyini, ölkələrimiz arasında əməkdaşlığın digər sahələrdə olduğu kimi, ailə, qadın və uşaq məsələləri sahəsində də inkişaf etdirilməsinin vacibliyini vurğulayıb. Komitənin bu sahədə həyata keçirdiyi layihələri nümunə kimi qiymətləndirən səfir Ğoşeh növbəti illərdə Azərbaycanla birgə tədbirlərin keçirilməsində maraqlı olduqlarını söyləyib.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM