22:08 16 Aprel 2021
ONLINE XƏBƏR LENTİ
19:20 16.04.2021 Eldar Tofiq oğlu Quliyev
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Avstraliya saytı Xocalı soyqırımının 29-cu ildönümü ilə əlaqədar Azərbaycanın bu ölkədəki səfirliyinin bəyanatını yayıb
ANA SƏHİFƏ / SİYASƏT
10:29 01.03.2021

 

Avstraliyanın “vibemedia.net.au” saytı Xocalı soyqırımının 29-cu ildönümü ilə əlaqədar Azərbaycanın bu ölkədəki səfirliyinin bəyanatını yayıb.

AZƏRTAC xəbər verir ki, bəyanatda 1992-ci il fevralın 26-na keçən gecə erməni silahlılarının Dağlıq Qarabağ ərazisində yerləşən qədim Azərbaycan şəhəri Xocalıya hücum edərək təqribən 7 min sakini olan bu şəhəri yerlə-yeksan etməsindən, silahsız mülki vətəndaşları qətlə yetirməsindən bəhs olunur. Hərbi münaqişələr zamanı sakinlərin mühafizəsinin təmin edilməsinin və qanunun aliliyinin qorunmasının zəruriliyi vurğulanır.

Qeyd edilir ki, həmin vaxt əliyalın sakinlər hücum edən erməni silahlıları nə uşaqlara, nə qadınlara, nə də yaşlılara aman verməyib. Sənəddə deyilir: “Erməni silahlıları tərəfindən heç bir günahı olmayan dinc sakinlərə qarşı törədilən bu soyqırımı aktı Ermənistan-Azərbaycan Dağlıq Qarabağ münaqişəsi zamanı dinc sakinlərə qarşı törədilən ən qanlı hadisədir”, - deyə bəyanatda vurğulanır.

Bildirilir ki, Xocalı sakinləri məhz azərbaycanlı olduqlarına görə planlı şəkildə qətlə yetiriliblər, əsl etnik təmizləmə məqsədi daşıyan bu soyqırımı həmin torpaqların həqiqi sakinlərinin kökünün kəsilməsinə, onların izlərinin silinməsinə xidmət edib. Erməni silahlı qüvvələri tərəfindən işğal edilən şəhərin yüzlərlə sakini öldürülüb, şəhər özü isə yerlə yeksan edilib. Həmin gecə qətlə yetirilən 613 nəfərdən 106-sı qadın, 63-ü uşaq, 70-si yaşlı kişi olub. Faciə nəticəsində 1275 nəfər girov götürülüb, 150 nəfərin isə taleyi hələ də məlum deyil. Şəhərin 76-sı yetkinlik yaşına çatmayan uşaq olmaqla, 487-i sakini ağır yaralanıb, altı ailə tamamilə məhv edilib, 26 uşaq hər iki, 130-u isə bir valideynini itirib. Həlak olanların 56-sı xüsusi qəddarlıqla qətlə yetirilib.

“Ermənistan Respublikası insanlığa qarşı yönəlmiş bu cinayətlərini 2020-ci ilin payızında baş vermiş II Qarabağ müharibəsi zamanı da planlı şəkildə davam etdirib”, – deyə sənəddə qeyd edilir. Bildirilir ki, həm Xocalı soyqırımı, həm də 2020-ci ildə Azərbaycan şəhərlərinin raket atəşlərinə məruz qalması Ermənistan rəhbərliyinin Azərbaycan vətəndaşlarına qarşı sistemli zorakılıq aktlarını birbaşa təsdiq edir.

Sənəddə, həmçinin II Qarabağ müharibəsi zamanı Azərbaycanın Ermənistan üzərində əldə etdiyi böyük qələbənin işğaldan azad edilmiş torpaqlarımızda görüləcək böyük bərpa işlərinə yol açdığı da qeyd edilir.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM