18:52 07 Mart 2021
ONLINE XƏBƏR LENTİ
00:48 07.03.2021

Qan bahasına yaranan bayram


00:45 07.03.2021

İncə qəlblilər


00:40 07.03.2021

Yel çərşənbəsi


00:40 07.03.2021

Üçüncü çərşənbə


00:40 07.03.2021

Novruzun topları


00:39 07.03.2021

Baharın ilk müjdəçiləri


Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

“Aqrar İnkişaf Könüllüləri” Təşkilatı bu il “AİM-Qarabağ” layihəsinin icrasına başlayacaq
ANA SƏHİFƏ / İQTİSADİYYAT
23:39 21.01.2021


“Aqrar İnkişaf Könüllüləri” Təşkilatı İctimai Birliyi ölkədə könüllülüyün inkişafı, gənclərin könüllü fəaliyyətinə cəlb olunması, aqrar sahəyə maraqlarının artırılması və ümumilikdə gənclərin inkişafı məqsədilə bir çox önəmli layihələr reallaşdırır. İctimai Birliyin sədri Kamran Əliyev ötən il görülən işlər və qarşıda duran vəzifələrlə bağlı AZƏRTAC-ın suallarını cavablandırıb.

- Son illərdə Azərbaycanda könüllülük hərəkatı geniş vüsət alıb. Aqrar sektorun inkişafına ictimai dəstək vermək məqsədilə yaradılan “Aqrar İnkişaf Könüllüləri” Təşkilatının əsas vəzifələri hansılardır?

- Könüllülük Azərbaycan xalqı üçün yad olmayan bir dəyərdir. Xalqımız əsrlərboyu gündəlik həyatında məhz könüllülük fəlsəfəsi və dəyərlərini özündə rəhbər tutaraq yaşayıb və tariximizin müxtəlif dövrlərində bunun şahidi olmuşuq. Bu hadisələrdən biri də 2020-ci ildə xalqımızın şərəflə tarixə yazdığı Vətən müharibəsidir. 27 ildən çox düşmən tapdağı altında olan torpaqlarımızın Ali Baş Komandan İlham Əliyevin rəhbərliyi ilə işğaldan azad edilməsinin məhz dövlət başçısı tərəfindən elan edilmiş “Könüllülər ili”ndə baş tutması, düşmənlə ön və arxa cəbhədə döyüşən könüllülərimizə ayrı bir qürur hissi yaşadır. Bu gün cəmiyyətimizdə bilikli, vətənpərvər, kamil və kreativ düşüncəli bir gənclik formalaşmaqdadır. Son illərdə ölkədə gənclər arasında könüllülük fəaliyyətinin geniş vüsət alması onların tələbəlik dövrünün özlərini inkişaf etdirməsi və daha məhsuldar keçməsinə maraqlarının artmasından irəli gəlir. Hazırda Azərbaycan gəncliyi müxtəlif istiqamətlər üzrə könüllü fəaliyyətinə qoşula, özlərini maraq göstərdikləri sahə üzrə inkişaf etdirə bilərlər.

2018-ci ildən etibarən fəaliyyətə başlayan “Aqrar İnkişaf Könüllüləri” Təşkilatı regionda və paytaxtda yaşayan gənclərimizin aqrar sahəyə marağının artırılması, habelə onların şəxsi inkişafının təmin edilməsi məqsədilə yaradılıb. Hazırda ölkənin 51 regionunda nümayəndəliyi fəaliyyət göstərən “Aqrar İnkişaf Könüllüləri” Təşkilatına bu günədək 4000-ə yaxın könüllü üzv olub. Təşkilatımız tərəfindən müxtəlif layihə, aksiya və tədbirlərin həyata keçirilməsində 7000-ə yaxın gəncin iştirakı təmin edilib.

- Azərbaycan gənci Aqrar İnkişaf Könüllüsü olmaq üçün nə etməlidir? Könüllülük fəaliyyətini uğurlu karyeranın başlanğıcı saymaq olarmı?

- Aqrar İnkişaf Könüllüləri sırasına qoşulmaq üçün 16-26 yaş aralığında olan hər bir gənc veb- saytımız (http://agrovolunteers.az ) vasitəsilə qeydiyyatdan keçib digər mərhələlərə dəvət olunurlar. Regionlar üzrə DAİM-lərdə fəaliyyət göstərən Aqrar İnkişaf Könüllüləri 3 ay ərzində fermerlərdən sorğuların götürülməsi, Elektron Kənd Təsərrüfatı İnformasiya Sisteminin tətbiq edilməsi üçün fermerlərə dəstək göstərilməsi prosesində, aqrar sahə üzrə spesifik təlimlərdə iştirak edərək bu sahə üzrə biliklərini artırır, vətənpərvərlik istiqamətində müxtəlif aksiya və tədbirlərdə iştirak edirlər. Gənclərin cəmiyyətdə layiqli iş yeri tapması, sevdikləri işdə uğur qazanmasında onların könüllü kimi fəaliyyətinin rolu danılmazdır. Bu baxımdan könüllülük fəaliyyəti uğurlu karyeranın təməlidir. Təşkilatımız üzvləri olan gənclərin cəmiyyətə inteqrasiyası, işlə təminatı baxımından onlara faydalı olub. Hazırkı statistikaya əsasən 700-dək könüllümüz aqrar sahədə müxtəlif müəssisələrdə işlə təmin olunub və bu sahə üzrə çalışırlar. Aqrar İnkişaf Könüllülərinin 200-ə yaxın məzunu tərəfindən fermer təsərrüfatı formalaşdırılıb, hazırda onlar bu istiqamətdə fəaliyyətlərini davam etdirirlər.

- Adətən könüllülük fəaliyyəti üçün daha çox gənclər müraciət edir. Yaşı çox olan şəxslərdən sizin təşkilata üzv olmaq istəyənlər olurmu?

- Fəaliyyətimiz ərzində qeyd etdiyiniz xarakterli müraciətlər qeydə alınıb. Regionlarda yaşayan könüllülərimizin fəaliyyətinə daim dəstək olan, təsərrüfatlarında ekskursiyalar təşkil edən və öz təcrübələrini bölüşən fermerlərimiz mövcuddur. Həmin fermerlərə göstərdikləri dəstəyi ictimailəşdirərək onlara minnətdarlığımızı bildirmək məqsədilə “Ayın könüllü fermeri” layihəmizə start vermişik. Bu layihə çərçivəsində qeyd etdiyimiz istiqamətdə fəaliyyət göstərən fermerləri müəyyənləşdirərək aidiyyəti üzrə “Ayın könüllü fermeri”ni seçəcəyik.

- 2020-ci ilin ölkəmizdə “Könüllülər ili” elan edilməsi təşkilatın fəaliyyətinə necə təsir göstərdi?

- 2020-ci ildə Aqrar İnkişaf Könüllüləri ölkədə karantin rejimi müəyyən olunmamışdan öncə “Gənc Əkinçilər”, “Laza Qış Düşərgəsi” və region nümayəndəlikləri tərəfindən müxtəlif təlimlər, ekskursiyalar həyata keçirib. Mart ayından etibarən ölkədə koronavirus pandemiyasının yayılması və kütləvi tədbirlərin təxirə salınması ilə Aqrar İnkişaf Könüllüləri də fəaliyyətini məhdudlaşdırmaq məcburiyyətində qalsa da, Prezidentimizin “Könüllülər ili”ndə könüllülərə çağırış edərək pandemiya ilə mübarizə tədbirlərində aktiv olmağa dəvət etməsi, Nazirlər Kabineti yanında Operativ Qərargahın qərarına əsasən bir sıra məhdudiyyətlərin tətbiq olunmasına baxmayaraq, Aqrar İnkişaf Könüllülərinin hərəkətinə icazənin verilməsi bu istiqamətdə bizim var gücümüzlə çalışmağımızı stimullaşdırdı. Nəticədə təşkilatımız tərəfindən müxtəlif layihələrin icrasına başlanıldı. Belə ki, könüllülərimiz tərəfindən karantin dövründə “Kənd Sovqatı” layihəsi çərçivəsində müxtəlif özəl şirkətlərin dəstəyi ilə 700-dən çox aztəminatlı ailəyə ərzaq yardımı çatdırıldı. Bundan başqa, yaşı 65-dən yuxarı olan fermerlərimizin xüsusi risk qrupuna aid edilməsini nəzərə alaraq, həmin yaş qrupuna məxsus fermerlərimizin ehtiyaclarını öyrənilməsi və bu ehtiyacların təminatına dəstək göstərmək məqsədilə tərəfimizdən “Fermerin Dostu” layihəsi həyata keçirilib. Layihə çərçivəsində ümumilikdə 500-dən çox fermerə könüllülərimiz tərəfindən sosial xidmət göstərilib.

Həmçinin xüsusi karantin rejimi müddətində gənclərin vaxtlarının səmərəli təşkil olunması, “evdə qal” çağırışına dəstək məqsədilə “Oxu Paylaş” aksiyası keçirilib. Aksiyada bu günədək 300 nəfərdən çox gənc iştirak edib və sevdikləri kitablar haqqında qısa videolar çəkərək digər gənclərlə fikirlərini bölüşüblər. Aksiyaya fermerlər, tanınmış şəxslər də qoşulub. Eyni zamanda, karantin dövründə fermer təsərrüfatlarının effektivliyini artırmaq üçün təşkilatımız tərəfindən “Öyrənən Fermer” layihəsi çərçivəsində onlayn məsləhət xidməti fəaliyyətə başlayıb. Təlimlər Kənd Təsərrüfat Nazirliyinin müxtəlif Elmi-Tədqiqat İnstitutlarının tərəfdaşlığı ilə keçirilib.

Ənənələri əsas tutaraq aqrar sahədə yaradıcı fəaliyyətin stimullaşdırılması məqsədilə “Aqroart” Proqramının icrasına başlanılıb. Proqram çərçivəsində uşaqların aqrar sahəyə marağının artırılması məqsədilə “Kids Agro Art” layihəsi keçirilib. Proqram çərçivəsində aqrar sahə üzrə incəsənət nümunələri, filmlər, şəkillər, festivallarda hazırlanmış ekspozisiyalar haqqında mütəmadi olaraq məlumatlar paylaşılıb. Həmçinin plastik tullantılardan istifadə etməklə yaradılan incəsənət nümunələri ilə bağlı müxtəlif məlumatlandırıcı videolar hazırlanıb.

Ötən il gənclərin aqrar sahə üzrə biliklərin artırılması, aqrar sahədə kadr potensialının inkişafına dəstəyin göstərilməsi məqsədilə peşəkar mütəxəssislərlə birgə ölkə üzrə gənclər üçün fikir mübadilə platforması olan Aqrar İnkişaf Könüllülərin I Ümumrespublika Veb Forumu təşkil olunub. Forumda 100 gənc iştirak edib. Forum müddətində gənclər mütəxəssislərin vasitəsilə lazımi biliklərə yiyələndilər və peşəkar kadrların təcrübələri ilə tanış olmaq imkanı qazandılar.

Əsas məqsədi gənclərin aqrar sahə barədə məlumatlandırılması, qeyri-neft sektorunun inkişaf etdirilməsi olan və “Azərbaycan Gənclər Fondunun” dəstəyilə həyata keçirilən “Səyyar Aqro Məktəb” layihəsi çərçivəsində mütəxəssislər tərəfindən iştirakçılara təsərrüfatların yaradılması, idarəolunması və gələcəkdə inkişaf etdirilməsi, aqrar təhsilin önəmi və imkanlar haqqında geniş məlumat verilib. Layihə Zaqatala, Şəki, Qax, Balakən, Oğuz və Şamaxı rayonlarında həyata keçirilib. Layihədə 300 gənc iştirak edib.

Vətən müharibəsi başlandığı gündən etibarən “Aqrar İnkişaf Könüllüləri” Təşkilatının və “ASAN Könüllüləri” Təşkilatının təşəbbüsü, “Azərbaycan Könüllü Təşkilatları” İttifaqının dəstəyilə “Mətbuat Səngəri” platforması fəaliyyətə başlayıb. Layihə Qarabağ haqqında həqiqətləri dünyaya çatdırmaq, Ermənistan mediasının yaydığı dezinformasiyaların qarşısını almaq, vətənpərvərlik ruhunun təbliğini özündə ehtiva edib. Layihə çərçivəsində ümumilikdə 100-dən çox gənc bir araya toplaşaraq Qarabağ haqqında həqiqətləri və Ermənistan tərəfindən törədilən təxribatlar haqqında məlumatları “Twitter”, “Facebook” platformaları vasitəsilə dünyaya çatdırıb.

Məlum olduğu kimi, şanlı qələbə ilə yekunlaşan Vətən müharibəsində 2855 soydaşımız qəhrəmancasına vuruşaraq şəhidlik zirvəsinə ucalıb. Aqrar İnkişaf Könüllüləri olaraq ölkə ərazisində şəhidlərimizin xatirəsinə həsr olunmuş ağacəkmə aksiyasına start verdik. Aksiya çərçivəsində hər bir bölgəmizdə qəhrəmanlarımızın ruhunu şad etmək və gənclərimizə vətənpərvərlik ruhunu aşılamaq məqsədilə şəhidlərimizin sayı qədər ağac əkilib.

Ötən il ən vacib hadisələrdən biri də təşəbbüs qrupunda Aqrar İnkişaf Könüllülərinin yer aldığı Azərbaycan Könüllülərinin Əlaqələndirmə Mərkəzi yaradıldı. Mərkəz çərçivəsində “Böyüklərimizi qoruyaq”, “Könüllü Qonşu”, “Bir-birimizi qoruyaq”, “Könüllü donor” aksiyaları həyata keçirilib və Aqrar İnkişaf Könüllüləri bu proseslərdə xüsusi aktivlik göstəriblər.

- Torpaqlarımızın işğaldan azad edilməsi fəaliyyətinizə necə təsir edəcək? Bu il üçün planlarınız nələrdən ibarətdir?

- Nəzərinizə çatdırmaq istərdim ki, Vətən müharibəsində cəbhəyə yollananlar arasında 11 nəfər Aqrar İnkişaf Könüllüsü var. Könüllülərimizdən 2 nəfər ərazi bütövlüyümüzün bərpası uğrunda qəhrəmancasına şəhid olub. Şəhid olan könüllülərimizin xatirəsini əbədiləşdirmək məqsədilə “ZəfərimİZin memuarları” layihəsinə başlamağı planlaşdırırıq. Layihə çərçivəsində şəhidlərimizin ailə üzvlərindən, eləcə də qazilərimizin keçdikləri döyüş yolu ilə bağlı məlumatlar ictimaiyyətə açıqlanacaq, onların göstərdikləri qəhrəmanlıq və şücaətdən bəhs olunacaq.

Bundan başqa, ən mühüm layihələrimizdən biri olan, işğaldan azad olunan ərazilərdə kənd təsərrüfatının inkişaf etdirilməsinə dəstək göstərmək məqsədilə Azərbaycan Gənclər Fondunun tərəfdaşlığı ilə “AİM-Qarabağ” layihəsinin icrası nəzərdə tutulur. Layihə çərçivəsində işğaldan azad olunmuş ərazilər üzrə qeydiyyatda olan 50 gəncin müəyyən edilərək mütəxəssislər tərəfindən onlara təlimlərin keçirilməsi, həmin gənclərə öz doğma torpaqlarında fermer təsərrüfatlarının formalaşdırmaları istiqamətində dəstəyin göstərilməsi planlaşdırılır.

Bundan başqa, bu ərazilərin tarixən Azərbaycan xalqına məxsus olması, Azərbaycan tarixini dünya ictimaiyyətinə tanıtmaq məqsədilə Azərbaycan Respublikasının Gənclər Fondunun dəstəyilə 3 dildə (rus, İngilis və fransız) “Keçmişin gələcəyi” adlı animasiya filmi üzərində işləyirik. Bu filmi yaxın zamanlarda ictimaiyyətə təqdim edəcəyik. Filmdə Səfəvilər dövründən bu günədək baş verən proseslər, tarixi-mədəni irsimiz haqqında məlumatlar öz əksini tapacaq. Ümid edirəm ki, bu film Azərbaycan həqiqətlərinin dünyaya tanıdılması işinə az da olsa, töhfə vermiş olacaq.

- Bu ilin “Nizami Gəncəvi İli” elan edilməsi fəaliyyətinizdə hansı dəyişikliklərə səbəb olacaq?

- Fəaliyyət göstərdiyimiz dövrdə könüllülərimizə milli-mənəvi dəyərlərin aşılanması istiqamətində daim iş aparmışıq. Hazırda cari ildə bu istiqamətdə görəcəyimiz işlər arasında Nizami Gəncəvinin həyat və yaradıcılığının könüllülərimiz və fermerlərimiz arasında təbliğ etmək də var. Belə ki, Nizami Gəncəvi Azərbaycan ədəbiyyatına dəyərli əsərlər bəxş edib. Dahi şairin “Xəmsə”si ədəbiyyatımızın inkişafında, dünya miqyasında tanınmasında çox mühüm rol oynayıb. “Nizami Gəncəvi İli” çərçivəsində fermerlərlə sorğu və maarifləndirmə işləri aparılacaq, şairimizin həyatı və yaradıcılığı haqqında onlara məlumatlar veriləcək. Könüllülərin bacarıqlarının üzə çıxması və onların inkişafında mühüm rol oynayacağını nəzərə alınaraq Nizami Gəncəvinin şeirləri əsasında “Könüllülər arasında şeir yarışması”nı həyata keçirməyi planlaşdırırıq. Həmçinin, dahi şairimizin anadan olmasının 880 illik yubileyi ilə əlaqədar 880 ağacın əkilməsini nəzərdə tuturuq.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM