20 Yanvar 2021 17:43
705
SİYASƏT
A- A+

20 Yanvar xalqımızın şərəf tarixidir  

 20 Yanvar faciəsinin 31-ci ildönümü ilə əlaqədar Şamaxıdakı Şəhidlər xiyabanında anım mərasimi keçirilib.

AZƏRTAC-ın bölgə müxbiri xəbər verir ki, sosial izolyasiya qaydalarına uyğun şəkildə Şəhidlər xiyabanını ziyarət edən mərasim iştirakçıları öncə Azərbaycanımızın müstəqilliyi və ərazi bütövlüyü, xalqımızın azadlığı uğrunda canlarını qurban verən qəhrəman Vətən övladlarının xatirəsini bir dəqiqəlik sükutla yad edib və onların ruhlarına dualar oxunub.

Şəhidlərin ruhuna ucaldılan abidənin önünə əklil qoyulub, məzarları üzərinə tər çiçəklərə düzülüb.

20 Yanvar faciəsini ən qəddar terror aktı kimi qiymətləndirən rayon sakinləri bu vəhşiliyi xalqımıza qarşı sovet imperiyasının apardığı kinli siyasətin nəticəsi olduğunu söyləyiblər. Məqsəd xalqımızın azadlıq əzmini qırmaq olsa da, buna nail ola bilməyiblər. Əksinə, məhz bu gün həm də xalqımızın şərəf tarixi, Vətənimizin azadlığı, torpaqlarımızın bütövlüyü uğrunda əzminin, inamının dönməzliyini göstərib.

Sonra mərasim iştirakçıları Qanlı Yanvar faciəsində şəhid olmuş rayon sakinləri Məmmədov Vidadi Üzeyir oğlunun və İsrayılov Ağanəzər Araz oğlunun Şamaxı şəhərinin Yeddi Günbəz və Laləzar qəbiristanlıqlarındakı məzarlarını ziyarət ediblər.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video