16:30 28 Fevral 2021
ONLINE XƏBƏR LENTİ
01:20 28.02.2021

Qətiyyətin təntənəsi


01:17 28.02.2021

Prezident qayğısı


00:52 28.02.2021

Qisasın alındı, Xocalı!


00:19 28.02.2021

Virus qalxanı - anticisim


Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

20 Yanvar şəhidlərinin xatirəsi İtaliyada da anılıb
ANA SƏHİFƏ / CƏMİYYƏT
22:58 19.01.2021

 

Azərbaycanın İtaliyadakı səfirliyinin və Azərbaycan İtaliya Birliyinin birgə təşkilatçılığı ilə Romada 20 Yanvar faciəsinin 31-ci ildönümü ilə əlaqədar olaraq anım tədbiri keçirilib.

AZƏRTAC xəbər verir ki, videoformatda keçirilmiş və Azərbaycan-İtaliya Birliyinin “Facebook” səhifəsindən canlı olaraq yayımlanmış tədbirdə Azərbaycanın İtaliyadakı səfiri Məmməd Əhmədzadə, Roma Sapienza Universitetinin dosenti Daniel Pommier Vincelli, araşdırmaçı jurnalist Domeniko Letisiya, Azərbaycan İtaliya Birliyinin vitse-prezidenti Cuzeppe Kaniliya çıxış ediblər.

Tədbirdə əvvəlcə Azərbaycanın müstəqilliyi və ərazi bütövlüyü uğrunda canlarından keçmiş şəhidlərimizin əziz xatirəsi bir dəqiqlik sükutla yad edilib.

Azərbaycanın İtaliyadakı səfiri Məmməd Əhmədzadə çıxış edərək ölkəmizin istiqlaliyyəti uğrunda mübarizənin rəmzi olan 20 Yanvar faciəsinə səbəb olan hadisələr və bu faciənin acı nəticələri haqqında danışıb. Diplomat faciə ilə bağlı informasiya blokadasının yarılması, faciə ilə bağlı həqiqətlərin dünya ictimaiyyətinin diqqətinə çatdırılması və faciəyə layiqli siyasi-hüquqi qiymətin verilməsində ümummilli lider Heydər Əliyevin əvəzsiz xidmətləri haqqında məlumat verib. 20 Yanvar faciəsinin Azərbaycanın milli kimliyinin formalaşmasına göstərdiyi həlledici təsirdən, dövlət müstəqilliyinin bərpa edilməsində dönüş nöqtəsi olmasından, məhz bu faciədən sonra milli azadlıq hərəkatının tam siyasi reallığa çevrilməsindən və Azərbaycan xalqının öz gələcəyini yalnız müstəqil Azərbaycanda görməsindən danışıb.

Diplomat Azərbaycanın müstəqilliyinin bərpasından sonrakı ilk illər ərzində üzləşdiyi faciələr, Ermənistanın Azərbaycana qarşı hərbi təcavüzünün acı nəticələri barədə də məlumat verib, ötən illərdən fərqli olaraq bu il 20 Yanvar şəhidlərimizi tamam fərqli bir vəziyyətdə yad etdiyimizi, Müzəffər Ali Baş Komandanın rəhbərliyi ilə şanlı Azərbaycan Ordusunun 44 günlük Vətən müharibəsinin nəticəsində torpaqlarımızı işğaldan azad etdiyini, Qarabağ həsrətimizə son qoyulduğunu və üçrəngli bayrağımızın Şuşa şəhərində ucaldıldığını bildirib. Sonda diplomat vurğulayıb ki, Vətənin müstəqilliyi və ərazi bütövlüyünün bərpası uğrunda canlarından keçmiş şəhidlərimizin ruhu şaddır, çünki onların qanı yerdə qalmayıb.

Tədbirdə digər çıxış edənlər 20 Yanvar faciəsi və onun Azərbaycandakı siyasi vəziyyətə və ölkənin dövlət müstəqilliyinin bərpasına göstərdiyi təsir, Ermənistanın Azərbaycana qarşı hərbi təcavüzü, Azərbaycanın müstəqillik illərində keçdiyi yol, ölkəmizin sosial-iqtisadi inkişafı, regional və beynəlxalq əməkdaşlığın təşviqində rolu, Azərbaycan-İtaliya strateji tərəfdaşlığı, Azərbaycanın multikulturalizm modelinin dünya üçün nümunə olması, 30 ilə yaxın müddətdən sonra nəhayət Azərbaycan torpaqlarının işğaldan azad olunması və bunun bölgədə yeni tarixi mərhələnin başlanğıcı olması barədə danışıblar.

Sonda Qanlı Yanvar faciəsinə dair sənədli film nümayiş olunub.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM