Alternative content

AZƏRBAYCAN RESPUBLİKASI MİLLİ MƏCLİSİNİN ORQANI

Sampaoli qalır

11 İyul 2018
 

Xorxe Sampaoli futbol üzrə Argentina yığmasının baş məşqçisi vəzifəsini qorumuşdur. Qərar Argentina Futbol Assosiasiyasının (AFA) prezidenti Klaudio Tapiya ilə görüşdən sonra qəbul olunmuşdur. Bu barədə “Ole” qəzeti xəbər verir.

Milli komanda dünya çempionatında 1/8 final mərhələsində 58 yaşlı mütəxəssisin rəhbərliyi altında Fransa yığmasına 3:4 hesabı ilə məğlub olduqdan sonra mundialla vidalaşmışdır. Qrup mərhələsində Argentina Xorvatiyaya uduzmuş (0:3), İslandiya komandası ilə heç-heçə oynamış (1:1) və Nigeriya yığmasına qalib gəlmişdir (2:1).

Sampaolinin yığma ilə müqaviləsi beş il müddətinə hesablanmışdır. Müqavilə gələn il keçiriləcək Amerika kubokundan sonra pozula bilər. Bu halda AFA məşqçiyə 8 milyon dollar məbləğində kompensasiya ödəməli olacaq.