Türkiyədə 24 terrorçu zərərsizləşdirilib

Alternative content

AZƏRBAYCAN RESPUBLİKASI MİLLİ MƏCLİSİNİN ORQANI

Türkiyədə 24 terrorçu zərərsizləşdirilib

14 May 2018
Türkiyədə son bir həftə ərzində keçirilmiş antiterror əməliyyatları nəticəsində 24 terrorçu zərərsizləşdirilmişdir. Onlardan biri məhv edilmiş, 9-u silahını yerə qoyub təslim olmuş, 14-ü həbs edilmişdir. Bu barədə “Anadolu” agentliyi xəbər verir.

Məlumata görə, Türkiyənin təhlükəsizlik qüvvələri mayın 7-14-də separatçı terrorçu təşkilatlara qarşı 1821 əməliyyat keçirmişdir. Nəticədə PKK terrorçuları ilə işbirliyində şübhəli bilinən 132 nəfər, İŞİD-lə əlaqəyə görə 22 nəfər, FETÖ terrorçu təşkilatı ilə mübarizə çərçivəsində 967 nəfər və solçu terrorçu təşkilatlarla mübarizənin gedişində 2 nəfər saxlanmışdır.

Planlı əməliyyatlar zamanı tutulan 4840 nəfərdən 123-ü terrorçuluqda, 83-ü qanunsuz miqrasiya ilə əlaqəli cinayətlərdə, 3634-ü narkotik maddələr və insan alverində şübhəli bilinir.

Hakkari, Bitlis, Şırnak, Tunceli, Mardin və Qəhrəmanmaraş vilayətlərində keçirilmiş əməliyyatlar zamanı terrorçuların 7 sığınacağı və 10 əldəqayırma partlayıcı qurğusu məhv edilmiş, 530-dan çox döyüş sursatı, 20 qumbara və 6 ədəd odlu silah müsadirə olunmuşdur.