Alternative content

AZƏRBAYCAN RESPUBLİKASI MİLLİ MƏCLİSİNİN ORQANI

İmtahanlarda qayda pozuntularına yol verən 205 nəzarətçi müəllim bazadan çıxarılıb

25 Dekabr 2017
Dövlət İmtahan Mərkəzinin (DİM) bu il keçirdiyi imtahanlarda iştirak etmiş 205 nəzarətçi-müəllim müxtəlif qayda pozuntularına, köçürmə hallarına yol verdikləri üçün bazadan xaric olunub.

AZƏRTAC xəbər verir ki, bunu DİM Direktorlar Şurasının sədri Məleykə Abbaszadə dekabrın 25-də mərkəzin yeni veb-saytının təqdimatında deyib.

Qeyd olunub ki, nümunəvi fəaliyyətinə görə min nəzarətçi müəllimə təşəkkür elan edilib. Bundan əlavə, 15 nəzarətçi-müəllimin və beş imtahan rəhbərinin fəxri fərmanla təltif edilməsi barədə qərar qəbul olunub.

M.Abbaszadə bildirib ki, nəzarətçi-müəllimlərin fəaliyyətləri hər il qəbul kampaniyasının sonunda ənənəvi olaraq təhlil edilir.