Alternative content

AZƏRBAYCAN RESPUBLİKASI MİLLİ MƏCLİSİNİN ORQANI

Messi və Zidan Moskvada “DÇ-2018”in rəsmi topunu təqdim ediblər

10 Noyabr 2017
Dünya futbolunun ulduzları Moskvada “DÇ-2018”in rəsmi topunu təqdim ediblər.

AZƏRTAC TASS İnformasiya Agentliyinə istinadla xəbər verir ki, təntənəli mərasimdə “Barselona”nın və Argentina yığmasının hücumçusu Lionel Messi, “Real”ın baş məşqçisi Zinəddin Zidan, “Milan”ın və Braziliya yığmasının sabiq yarımmüdafiəçisi Kaka, “Yuventus”un və İtaliya yığmasının sabiq forvardı Alessandro Del Pyero, “Real”ın və İspaniya yığmasının sabiq yarımmüdafiəçisi Xabi Alonso iştirak ediblər.

Almaniyanın “Adidas” şirkəti tərəfindən hazırlanmış top “Telstar 18” adlanır.

Dünya çempionatının matçları 2018-ci il iyunun 14-dən iyulun 15-dək Moskva, Sankt-Peterburq, Kazan, Nijni Novqorod, Samara, Volqoqrad, Yekaterinburq, Kalininqrad, Soçi, Rostov-Don və Saransk şəhərlərində keçiriləcək.