Alternative content

AZƏRBAYCAN RESPUBLİKASI MİLLİ MƏCLİSİNİN ORQANI

İspaniya portalı “Azəri-Çıraq-Günəşli” yataqlarının işlənilməsinə dair yeni müqavilənin imzalanmasından yazır

14 Sentyabr 2017
İspaniyanın diariovasco.com portalında “Azərbaycan Xəzərdə neft hasilatına dair müqaviləni 2050-ci ilə qədər uzadır” sərlövhəli məqalə dərc edilib. Məqalədə “Azəri-Çıraq-Günəşli” yataqlarının işlənilməsinə dair müqavilənin müddətinin 2050-ci ilə qədər artırılması haqqında məlumat verilir.

Portal qeyd edir ki, Britaniyanın BP, Azərbaycanın SOCAR və ABŞ-ın Chevron, ExxonMobile şirkətləri 2050-ci ilə qədər bu yataqda neft hasilatını davam etdirmək barədə razılıq əldə ediblər. BP şirkətinin baş icraçı direktoru Rober Dadli bildirib ki, yaxın onilliklərdə “Azəri-Çıraq-Günəşli” yataqlarına 40 milyard dollar sərmayə qoyulacaq.

İspaniya portalı qeyd edir ki, imzalanma mərasimində çıxış edən Azərbaycan Prezidenti İlham Əliyev SOCAR-ın iştirak payının 11.65 faizdən, 25 faizə yüksəldiyini elan edib.

Məqalənin sonunda “Azəri-Çıraq-Günəşli” layihəsinin işlənməsi haqqında ilk müqavilənin 1994-cü ildə imzalandığı və 2024-cü ilədək qüvvədə olduğu xatırladılır.

 

AZƏRTAC