Alternative content

AZƏRBAYCAN RESPUBLİKASI MİLLİ MƏCLİSİNİN ORQANI

Azərbaycanlı cərrahın əməliyyatı IRCAD-ın təhsil proqramına daxil edilib

12 İyul 2017
Həzm Xərçəngi Araşdırma İnstitutu və Laparoskopik Təlim Mərkəzi olan, Fransada yerləşən IRCAD hər il 400 mindən çox cərraha “WeBSurg” virtual universitet vasitəsilə laparoskopik cərrahi təhsil almağa imkan verir. Bu tədris prosesində beynəlxalq standartlara uyğun əməliyyat videolarından istifadə olunur.

Respublika Müalicəvi Diaqnostika Mərkəzindən (RMDM) AZƏRTAC-a bildiriblər ki, Postsovet məkanından ilk olaraq azərbaycanlı cərrah, RMDM-in əməkdaşı, həkim-ümumi cərrahı İlqar İsmayılovun icra etdiyi laparoskopik bağırsaq əməliyyatı IRCAD-ın təhsil proqramına daxil edilib və “WeBSurg”da bu əməliyyatın videosu yayımlanıb.

Bu, son illər Azərbaycan səhiyyəsinin inkişafının növbəti göstəricisidir.