Alternative content

AZƏRBAYCAN RESPUBLİKASI MİLLİ MƏCLİSİNİN ORQANI

Su idmançılar üçün ən faydalı içkidir

15 Aprel 2017
 

Mütəxəssislər bildirirlər ki, idman məşğələləri zamanı bütün içkilər eyni dərəcədə səmərəli deyildir. Alimlər hər bir içkinin orqanizmə təsirini təhlil edərək bu qənaətə gəliblər ki, ən faydalı içki adi sudur. İdmanla məşğul olanlar məhz su içməlidirlər.

AZƏRTAC “REN TV”-yə istinadla xəbər verir ki, idman təbabəti sahəsində mütəxəssislər tədqiqat aparıblar. Onların sözlərinə görə, şəkər və duz əlavə edilmiş içkilər bir çox idmançılar üçün vacibdir. İdmançılar üçün nəzərdə tutulmuş içkilər məşq zamanı itirilmiş enerjini qismən bərpa edir. Amma bu içkilərin öz fəsadları var, çünki şəkər əlavə edilmiş içkilər artıq çəkiyə səbəb olur, dişlərin quruluşunu təhlükə altına qoyur.

Enerjili içkilərin tərkibində kofein var. Bu da aritmiya, mədə pozğunluğu və baş ağrıları əmələ gətirir.

İdmançı üçün ən yaxşı vasitə sudur. Su orqanizmi bərpa edir və heç bir fəsad törətmir.