Alternative content

AZƏRBAYCAN RESPUBLİKASI MİLLİ MƏCLİSİNİN ORQANI

Dietik içkilər artıq çəkiyə və 2-ci tip şəkərli diabetə səbəb olur

05 Yanvar 2017
Londonun İmperial Kollecinin tədqiqatçıları arıqlamaq üçün istifadə edilən aşağı kalorili içkilərin sağlam bir vasitə olmadığını sübuta yetiriblər.

AZƏRTAC bbc.com saytına istinadla xəbər verir ki, alimlər az kalorili dadlandırıcıların artıq çəkiyə səbəb olmasını və 2-ci tip diabet xəstəliyinə yol açdığını aşkar ediblər.

Araşdırmanın nəticələri Amerikanın “İctimai Səhiyyə” jurnalında çap olunub. Səkkiz il ərzində aparılan tədqiqat zamanı normal çəkili insanların 11 faizi, artıq çəkili insanların 19 faizi, şişmanların isə 22 faizi dietik içkilər qəbul edib. Araşdırmada əksəriyyəti gənclər olan 3700 nəfər iştirak edib və aşağı kalorili içkilərin çəkinin artmasına səbəb olması ortaya çıxarıb.