Mətbuatda bu əlamətdar hadisə ilə əlaqədar silsilə materiallar dərc olunmuşdur. Rusiyanın "İzvestiya", "Nezavisimaya qazeta" kimi nəşrlərinin ardınca "Rossiyskaya qazeta", "Tribuna" qəzetləri də maraqlı məqalələr dərc etmişlər. Mətbuat səhifələrində Heydər Əliyev Fondunun prezidenti Mehriban xanım Əliyevanın fəaliyyəti yüksək qiymətləndirilmişdir. "Rossiyskaya qazeta"da "Ulyanovsklu uşaqlara Azərbaycan hədiyyəsi" sərlövhəli material təqdim olunmuşdur. Məqalədə deyilir: "Azərbaycanın Heydər Əliyev Fondunun təşəbbüsü ilə Ulyanovskda məktəbin bərpasına 25 milyon rubl sərf edilmişdir. Layihə Heydər Əliyev Fondunun prezidenti, Azərbaycanın birinci xanımı Mehriban Əliyevanın şəxsi nəzarəti altında həyata keçirilmişdir... Azərbaycanın özündə Fondun dəstəyi ilə əsasən kənd rayonlarında 300-dən çox məktəb təmir və inşa edilmişdir. İndi Heydər Əliyev Fondunun bu strategiyası ilə Rusiya regionlarında da tanış olurlar"."Yeni kitabların biblioqrafik informasiya göstəriciləri" çap olunubOxucular arasında yeni ədəbiyyatı təbliğ etmək məqsədilə "Yeni kitabların biblioqrafik informasiya göstəriciləri" adlı məcmuə çap olunub. Mədəniyyət və Turizm Nazirliyinin dəstəyi ilə C.Cabbarlı adına Respublika Gənclər Kitabxanası tərəfindən hazırlanan yeni nəşrdə təqdim olunan ədəbiyyatlar əlifba sırası və dillər üzrə verilir.Mədəniyyət telekanalı ilə bağlı müsabiqənin müddəti uzadıla bilərÖlkədə mədəniyyət telekanalının yaradılması ilə bağlı Milli Televiziya və Radio Şurasının (MTRŞ) elan etdiyi müsabiqəyə bu günədək sənəd təqdim edilməyib. MTRŞ-dən bildiriblər ki, sənəd təqdim edilməsə də, müsabiqə və şərtlərlə maraqlananlar var. Elan edilmiş müddətədək müraciət olmazsa, müsabiqənin vaxtı uzadıla bilər. Qeyd edək ki, avqustun 4-dən mədəniyyət telekanalının açılması ilə bağlı müsabiqə elan edilib. Müsabiqəyə sənəd qəbulunun müddəti sentyabrın 4-də başa çatacaq. Əgər müsabiqə baş tutarsa, sentyabrın 5-də MTRŞ müsabiqədə iştirak edən şirkətlərin adlarını açıqlayacaq.Azərbaycanda güzəştli şərtlərlə 8,3 mindən artıq kompüter satılmışdır"Xalq kompüteri" layihəsinin icrasına başlandığı vaxtdan cari il sentyabrın 2-dək layihə çərçivəsində vətəndaşlar tərəfindən güzəştli şərtlərlə 8 min 348 kompüter və noutbuk alınmışdır. Bu barədə AzərTAc-a layihənin işçi qrupundan məlumat vermişlər. Bildirilmişdir ki, cari ilin əvvəlinədək isə 4 mindən artıq kompüter və noutbuk satılmışdır. İcrasına 2009-cu il aprelin 10-da başlanılmış "Xalq kompüteri" layihəsinin əsas məqsədi əhalinin sosial təbəqələrinin lisenziyalı proqramlarla təchiz edilmiş müasir kompüterləri güzəştli şərtlərlə əldə etmələrinə şərait yaratmaq və bölgələrdə İKT-nin tətbiqini genişləndirməklə rəqəmli geriliyi azaltmaq, Azərbaycan hökumətinin informasiya cəmiyyətinin və "e-hökumət"in inkişaf etdirilməsi istiqamətindəki fəaliyyətini dəstəkləməkdir. Layihənin 2009-cu ilin aprelində start verilmiş pilot fazası çərçivəsində ölkədə 7 min 695 fərdi kompüter, noutbuk və lisenziyalı proqram təminatı satılmışdır.
Bu, Tovuzun "sehirli" qapısıdır. Şəhərin girəcəyində, magistral dəmir yolu xəttinin altında qurulub. Rayonun mərkəzinə gedən yolu dəfələrlə qısaldır. Əsasən nəqliyyatın hərəkəti üçün nəzərdə tutulub. Keçid çoxdan tikilmişdi. Aylar, illər keçdikcə müəyyən qüsurlar yaranmış, uçuqlar, çatlar əmələ gəlmişdi. Sarı, solğun görkəmi də bu günün abadlığı, quruculuğu ilə əsla uyuşmurdu. Buna görə də yerli sənətkarların əli ilə yeraltı keçid milli üslubda yenidən quruldu. Əsaslı təmir edildi, yerə mərmər piltələr döşəndi, divarlar müasir tikinti materialları ilə bəzədildi. İşıqlandırma sistemi təzələndi. Hər iki tərəfdə ala qapı düzəldildi. Ayrı-ayrı markalı maşınların hərəkəti sistemi müəyyən edildi.
Dövlət Bayrağı Meydanında dalğalanan möhtəşəm üçrəngli bayraq azərbaycanlıların qürur mənbəyidir
Tarix sübut edir ki, dövlətin müstəqilliyini qoruyub saxlamaq onu qazanmaq qədər çətindir. Xalqımız öz tarixi müstəqilliyini bərpa etmək üçün uzun illər ərzində çox çətinliklərə sinə gərmiş, son dərəcə ağır faciələrlə üz-üzə qalmış, lakin bütün bunlara baxmayaraq, öz qürurunu, ləyaqətini itirməmiş, milli dəyərlərini qorumaqla qüdrətini bir daha sübuta yetirmiş, müstəqillik haqqına sahib olmuşdur. Azərbaycan xalqı XX əsrin əvvəllərində öz müstəqillik arzusuna qovuşsa da, bu, cəmi 23 ay çəkdi. Bu qısa zaman kəsiyində Azərbaycan Xalq Cümhuriyyəti hökuməti həmin dövrə uyğun çox mütərəqqi addımlar atmışdır. Bunlardan ən əsası isə dövlət rəmzlərinin yaradılması olmuşdur.
Ölkəmizin qurumun Baş Assambleyasına Dağlıq Qarabağ münaqişəsi ilə bağlı təqdim etdiyi qətnamə layihəsi işğalçı dövlətdə ciddi təşvişə səbəb olub
Azərbaycanın diplomatik müstəvidə təcavüzkar Ermənistanı məğlubiyyətə uğratması beynəlxalq miqyasda, eləcə də işğalçı dövlətin özündə açıq etiraf olunan faktdır. Məhz ölkəmizin diplomatik fəaliyyəti nəticəsində Ermənistanın işğalçı dövlət olduğu, müxtəlif vaxtlarda xalqımıza qarşı soyqırımları həyata keçirdiyi dünya ictimaiyyətinə daha yaxşı məlumdur. Bu səbəbdən Dağlıq Qarabağ münaqişəsinin ehtiva olunduğu bütün beynəlxalq sənədlərdə, qətnamə və qərarlarda Ermənistan Azərbaycan ərazilərini zəbt etmiş ölkə kimi təsvir edilir və ondan təcavüz siyasətinə son qoyması tələb olunur. Ermənistanın işğalçı siyasətinin və onun mahiyyətinin beynəlxalq diqqət mərkəzində qalması üçün həyata keçirilən siyasətin davam etdirilməsi isə sözügedən dövləti dünya ictimaiyyəti qarşısında getdikcə daha pis vəziyyətə salır.
Hörmətli cənab Prezident! Ulu öndər Heydər Əliyevin memarı olduğu müstəqil Azərbaycan Sizin tükənməz qayğı və diqqətiniz sayəsində günü-gündən çiçəklənir, dünya miqyasında geniş şöhrət qazanır. Bütövlükdə ölkəmizdə olduğu kimi, Gəncə bölgəsində də sosial-iqtisadi problemlər uğurla həllini tapır, abadlıq-quruculuq işləri geniş vüsət alır. Çox xoşdur ki, dünyamiqyaslı işlərlə bərabər daim elmin, mədəniyyətin inkişafına da xüsusi qayğı göstərirsiniz. Elə bu qayğı və diqqətin sayəsində ölkəmizin yeganə aqrar təhsil mərkəzi də son vaxtlar tanınmaz dərəcədə dəyişmişdir. Məhz Sizin təşəbbüsünüzlə bu qocaman təhsil ocağına yüksək status verildi.
İri enerji və nəqliyyat-kommunikasiya layihələrinin uğurla gerçəkləşdirilməsi, Avropanın enerji təhlükəsizliyinin təminatında Azərbaycanın rolunun artırılması, yeni neft strategiyasının milli mənafelərə uyğun davam etdirilməsi, qeyri-neft sektorunun ümumi daxili məhsuldakı çəkisinin yüksəldilməsi ötən dövrdə Prezident İlham Əliyevin iqtisadi siyasətinin əsas prioritet istiqamətini təşkil etmişdir. Elmi əsaslarla həyata keçirilən sosial-iqtisadi strategiya inkişaf prosesində yüksək dinamizmi və məqsədyönlülüyü təmin etmiş, hər bir mərhələ üçün qarşıda duran vəzifələrin dəqiqliklə gerçəkləşməsinə real imkanlar açmışdır. Azərbaycan Prezidenti islahatların davamlılığını təmin etmiş, ictimai həyatın bütün sahələrində intibah və tərəqqinin əsasını qoymuşdur.
Prezident İlham Əliyevin son sərəncamları bunu bir daha təsdiqləyir
Ötən il olduğu kimi, cari ilin arxada qalan dövrü də Azərbaycanda əhalinin sosial rifahının yaxşılaşmasına xidmət edən çoxsaylı tədbirlərin həyata keçirilməsi ilə əlamətdardır. Prezident İlham Əliyevin uğurlu siyasəti nəticəsində əhalinin rifahının yüksəldilməsinə, xüsusən aztəminatlı vətəndaşların sosial müdafiəsinin gücləndirilməsinə xidmət edən əhəmiyyətli işlər görülüb.
Azərbaycanın Qarsdakı baş konsulluğu jurnalistlər üçün iftar süfrəsi açmışdır. Qars Jurnalistlər Cəmiyyətinin sədri Yücəl Sezər çıxışında demişdir: "Azərbaycan dünyanın ən yüksək bayrağını səmalarda dalğalandırdı. Biz türklər bu reportajı seyr etdiyimizdə həm qürur hissi keçirdik, həm də çox sevindik. Azərbaycanın şanlı bayrağının əbədiyyətə qədər dalğalanmasını diləyirik". Baş konsul Ayxan Süleymanov mübarək Ramazan ayında mətbuat nümayəndələri ilə iftar süfrəsi arxasında görüşün əlamətdar olduğunu, diplomatik nümayəndəliyimizin kütləvi informasiya vasitələri ilə əməkdaşlığa böyük əhəmiyyət verdiyini bildirmişdir. Türkiyə-Azərbaycan əlaqələrinin heç bir siyasi və iqtisadi mənfəətə əsaslanmadığını, ulu öndər Heydər Əliyevin söylədiyi kimi: "bir millət, iki dövlət" prinsipləri üzərində qurulduğunu vurğulayan baş konsul demişdir ki, bu gün dövlətlərimizin başçıları bu istiqamətdə mühüm addımlar atırlar. Qardaş Türkiyə ən ağrılı problemimiz olan Dağlıq Qarabağ münaqişəsinin ədalətli həllində də Azərbaycanın mövqeyini hər zaman dəstəkləmişdir.
Müdafiə Nazirliyinin mətbuat xidmətindən AzərTAc-a bildirmişlər ki, Ermənistan silahlı qüvvələrinin bölmələri sentyabrın 3-də saat 23.10-dan 23.20-dək Berd rayonunun Çinarlı kəndində yerləşən mövqelərdən Azərbaycan Silahlı Qüvvələrinin Tovuz rayonunun Ağbulaq kəndində yerləşən üzbəüz mövqelərini avtomat və pulemyotlardan atəşə tutmuşlar. Düşmən cavab atəşi ilə susdurulmuşdur. İtki yoxdur.
Ermənistan silahlı qüvvələri Tərtər rayonunun işğal altında olan ərazilərində yanğınlar törətmişlər. Tərtər rayon mülki müdafiə qərargahının rəisi İlqar Musayev bildirmişdir ki, yanğın rayonun Seysulan və Qızıloba kəndləri ərazisindəki otlaq əraziləri əhatə edir. Yanğın olan ərazidə mina partlayışları səsi də eşidilir.
3 sentyabr 2010-cu il tarixində Moskva şəhərində Rusiyanın nəhəng maliyyə-kredit təşkilatı olan Sberbank və Azərbaycan Beynəlxalq Bankı arasında qarşılıqlı anlaşma və əməkdaşlıq barədə Memorandum imzalanmışdır. Bu sənəd hər iki tərəfin vahid mövqeyini ifadə etməklə, Rusiya Federasiyası və Azərbaycan Respublikası arasında ticarət dövriyyəsinin daha da genişləndirilməsi, effektiv istehsal sahələrinin kreditləşdirilməsi, müxtəlif istiqamətləri əhatə edən layihələrin birgə maliyyələşdirilməsi, o cümlədən daşınmaz əmlakla bağlı sahələrin inkişaf etdirilməsi, investisiya proqramlarında iştirak, yeni iş yerlərinin yaradılması və s. işlərdə hər iki böyük bank üçün birgə fəaliyyətə yeni imkanlar açır.
Sentyabrın 4-də "Gülüstan" sarayında rəhbər təhsil işçilərinin ənənəvi respublika konfransı keçirilmişdir. Konfrans iştirakçıları əvvəlcə Fəxri xiyabana gələrək, xalqımızın ümummilli lideri Heydər Əliyevin xatirəsini ehtiramla anmış, məzarı önünə tər güllər qoymuşlar. Görkəmli oftalmoloq alim, akademik Zərifə xanım Əliyevanın da məzarı üstünə gül dəstəsi düzülmüşdür. Sonra təhsil işçiləri Şəhidlər xiyabanında Azərbaycanın müstəqilliyi və ərazi bütövlüyü uğrunda mübarizədə canlarından keçmiş qəhrəman Vətən övladlarının xatirəsini yad etmişlər. Konfrans işinə məktəblilərin ifasında Azərbaycan Respublikasının dövlət himninin səsləndirilməsi ilə başlamışdır.
Son iki ildə ən çox dəstəklənən turizm istiqamətlərindən biri də kənd yaşıl turizmidir. Azərbaycanda bu sahədə xeyli potensial imkanlar mövcuddur. Mədəniyyət və Turizm Nazirliyindən bildiriblər ki, bu istiqamətdə bəzi QHT ilə birlikdə bir sıra layihələr həyata keçirilir. Rayonlarda bunun üçün evlər seçilir və onların icarəsi təşkil olunur. İndiyədək Quba, Qusar, Xaçmaz və Masallı rayonlarında belə layihələr həyata keçirilib. İcarəyə verilən evin yanında onun sahibinin məskunlaşması da təmin olunur. Ümumilikdə bu sahənin inkişafı cari ildə turistlərin Azərbaycana cəlb olunmasında xeyli rol oynayıb.
Ölkədə mədəniyyət telekanalının yaradılması ilə bağlı Milli Televiziya və Radio Şurasının (MTRŞ) elan etdiyi müsabiqəyə bu günədək sənəd təqdim edilməyib. MTRŞ-dən bildiriblər ki, sənəd təqdim edilməsə də, müsabiqə və şərtlərlə maraqlananlar var. Elan edilmiş müddətədək müraciət olmazsa, müsabiqənin vaxtı uzadıla bilər. Qeyd edək ki, avqustun 4-dən mədəniyyət telekanalının açılması ilə bağlı müsabiqə elan edilib. Müsabiqəyə sənəd qəbulunun müddəti sentyabrın 4-də başa çatacaq. Əgər müsabiqə baş tutarsa, sentyabrın 5-də MTRŞ müsabiqədə iştirak edən şirkətlərin adlarını açıqlayacaq.
"Xalq kompüteri" layihəsinin icrasına başlandığı vaxtdan cari il sentyabrın 2-dək layihə çərçivəsində vətəndaşlar tərəfindən güzəştli şərtlərlə 8 min 348 kompüter və noutbuk alınmışdır. Bu barədə AzərTAc-a layihənin işçi qrupundan məlumat vermişlər. Bildirilmişdir ki, cari ilin əvvəlinədək isə 4 mindən artıq kompüter və noutbuk satılmışdır. İcrasına 2009-cu il aprelin 10-da başlanılmış "Xalq kompüteri" layihəsinin əsas məqsədi əhalinin sosial təbəqələrinin lisenziyalı proqramlarla təchiz edilmiş müasir kompüterləri güzəştli şərtlərlə əldə etmələrinə şərait yaratmaq və bölgələrdə İKT-nin tətbiqini genişləndirməklə rəqəmli geriliyi azaltmaq, Azərbaycan hökumətinin informasiya cəmiyyətinin və "e-hökumət"in inkişaf etdirilməsi istiqamətindəki fəaliyyətini dəstəkləməkdir. Layihənin 2009-cu ilin aprelində start verilmiş pilot fazası çərçivəsində ölkədə 7 min 695 fərdi kompüter, noutbuk və lisenziyalı proqram təminatı satılmışdır.
Bu il yazın əvvəlindən ölkənin bir çox bölgələri ana təbiət tərəfindən sınağa çəkildi. Aramsız yağan leysan yağışları nəticəsində çaylar daşdı, bir çox əkin sahələri, yaşayış məntəqələri sel suları altında qaldı. Ən böyük zərbə isə Kürqırağı rayonlara dəydi. Belə rayonlardan biri də Kürdəmir oldu. Xatırladaq ki, daşqınlar nəticəsində Kürdəmir rayonunda 700-dən artıq evi və həyətyanı sahəni su basmış, 50 fərdi yaşayış evi uçmuş, 148 ev qəzalı vəziyyətə düşmüş, 29 yaşayış evindən sakinlər köçürülmüşdü.
Ağsu rayonundakı Novcü kənd orta məktəbi Heydər Əliyev Fondunun təşəbbüsü ilə tikilib istifadəyə verilmişdir. Burada 220-dən çox şagirdin təhsil alması üçün müasir sinif və kompüter otaqları, kitabxana, ulu öndər Heydər Əliyevin həyat və dövlətçilik irsini əks etdirən muzey fəaliyyət göstərir. Təhsil ocağında yüksək ixtisaslı müəllimlər çalışır və onlar öz dərslərini müasir tədris proqramlarına uyğun şəkildə qururlar. Məktəb yeni dərs ilinə tam hazırdır.
Son vaxtlar bir sıra qəzet və jurnal səhifələrində çap olunan yazılarda, eləcə də bəzi telekanallarda gedən verilişlərdə sovet dövründə yaşayıb-yaratmış görkəmli yazıçılar yerli-yersiz məhşər ayağına çəkilir, yaradıcılıqları təftiş olunur, onlara necə deyərlər, divan tutulur. Əlbəttə, həmin yazıçıların əsərlərinə müasir dövrün prizmasından baxmaq, gənc nəsli onların yaradıcılığı ilə tanış etmək lazımdır. Ancaq bu zaman obyektivlik prinsipləri unudulmamalıdır, ona riayət edilməlidir.
Bizi öldürən qocalıq deyil, pis vərdişlərdir Pol Breqq (ABŞ)
Bir daha yada salaq ki, təbii qidaların tərkibində olan vitaminlər və digər faydalı elementlər bişdikdən sonra parçalanır, belə qida "ölür", bədəni zəhərləyir, virus daşıyıcısı olan mikrobların artıb-törəməsinə şərait yaradır. Ona görə də qidaları, mümkün qədər, təbii şəkildə, yəni, çiy formada yemək lazımdır. Yaxşı başa düşürəm ki, bunu hər adam bacarmaz. Amma öz təcrübəmdən dəqiq bilirəm ki, istəyəndə adam öz nəfsinə qalib gələ bilir. Bunun üçün möhkəm iradə lazımdır. Ağıllı insan "olum, ya ölüm" dilemması qarşısında qalanda və iki mümkün yoldan birini seçməyə məcbur olanda - lazım olan biliyi də toplayır, özündə güc də tapır.
Bu yaxınlarda bp Azərbaycan şirkəti 2009-cu ildəki fəaliyyətini əks etdirən hesabatı kitab şəklində nəşr etdirib. "Davamlı inkişaf haqqında hesabat" adlanan həmin topluda şirkətin fəaliyyəti bir çox aspektlərdə işıqlandırılıb. Burada ətraf mühitlə bağlı məsələlərə də xüsusi önəm verilib. Bu da təsadüfi deyil. Çünki bp-nin SƏTƏMM prinsiplərində ətraf mühitə qayğı əsas hissələrdən birini təşkil edir. SƏTƏMM - Sağlamlıq, Əməyin Təhlükəsizliyi və Ətraf Mühitin Mühafizəsi deməkdir.
Kanadanın Toronto və Niaqara şəhərlərində böyük uğurla keçmiş Azərbaycan Mədəniyyəti və İncəsənəti Günləri Niaqarada 12-ci Beynəlxalq Niaqara Musiqi Festivalı çərçivəsində Azərbaycan simfonik musiqisi və muğamlarından ibarət möhtəşəm konsertlə başa çatmışdır. Festivalın Azərbaycan üzrə rəhbəri, Bakı Musiqi Akademiyasının dosenti Mikayıl Hacıyev AzərTAc-a bildirmişdir ki, Müqəddəs Mark Kilsəsində təşkil edilmiş konsertin iştirakçıları arasında çoxsaylı musiqisevərlərlə yanaşı, rəsmi şəxslər, Kanada parlamentinin deputatları, Niaqara şəhərinin meri lord Geri Borrou, Azərbaycanın Kanadadakı səfiri Fərid Şəfiyev, beynəlxalq kütləvi informasiya vasitələrinin nümayəndələri, Kanadanın və ABŞ-ın musiqi mədəniyyəti korifeyləri də olmuşlar. Konsertdən əvvəl məşhur siyasətçilər və diplomatlar çıxış edərək Azərbaycanın zəngin mədəni irsi, musiqi və təsviri sənət sahəsində görkəmli xadimlərimiz, eləcə də Tanrı ilə insan arasında əlaqənin nadir təzahürü olan Azərbaycan muğamı barədə söhbət açmışlar.
Sentyabrın 3-də Bakı Dövlət Universitetində Rusiya Federasiyasının Prezidenti Dmitri Medvedevə BDU-nun fəxri doktoru adının verilməsinə həsr edilmiş mərasim keçirilmişdir. BDU-nun rektoru, Azərbaycan Milli Elmlər Akademiyasının həqiqi üzvü, Milli Məclisin deputatı Abel Məhərrəmov mərasimdə çıxış edərək Rusiya Prezidenti Dmitri Medvedevin həyat və fəaliyyətinin əsas mərhələləri barədə məlumat vermişdir. BDU-nun rektoru ölkələrimiz arasında dinamik inkişaf etməkdə olan münasibətlər barədə söhbət açaraq təhsil sahəsində qədim tarixi köklərə malik olan Azərbaycan-Rusiya əməkdaşlığı üzərində ətraflı dayanmışdır. Azərbaycanın qocaman ali məktəbi, ilk rektoru professor Razumovski olmuş Bakı Universitetində Rusiyanın tanınmış alimləri mühazirələr oxumuşlar. Universitetin məzunları arasında dünya elminin fəxri sayılan görkəmli alimlər az olmamışdır. Onlardan biri də Nobel mükafatı laureatı Lev Landau olmuşdur. Azərbaycan alimlərinin çoxu Rusiyanın ali məktəblərində təhsil almış, Moskvanın və Sankt-Peterburqun elmi mərkəzlərində öz ixtisaslarını artırmışlar.
Sentyabrın 3-də Azərbaycanın birinci xanımı, Heydər Əliyev Fondunun prezidenti, YUNESKO-nun və İSESKO-nun xoşməramlı səfiri, Milli Məclisin deputatı Mehriban Əliyevanın və Rusiyanın birinci xanımı Svetlana Medvedevanın görüşü olmuşdur.
Azərbaycan Prezidentinin xanımı, Heydər Əliyev Fondunun prezidenti, YUNESKO-nun və İSESKO-nun xoşməramlı səfiri, Milli Məclisin deputatı Mehriban Əliyeva və ölkəmizdə səfərdə olan Rusiya Prezidentinin xanımı Svetlana Medvedeva sentyabrın 3-də "Azər-İlmə" Məhdud Məsuliyyətli Cəmiyyətinin "Sehrli ilmələr" qalereyasında olmuşlar. Hörmətli qonaqlara gül dəstələri təqdim edilmişdir. Müəssisə ilə tanış olan Rusiyanın birinci xanımına məlumat verilmişdir ki, xalçaçılıq Azərbaycan xalqının ən qədim sənətlərindən biridir. Qədim səyyahlar, salnaməçilər ölkəmizdə toxunan xalı-xalçanın yüksək keyfiyyəti, zəngin çeşniləri barədə yazılı məlumatlar vermiş, bütün Şərqdə məşhur olduğunu bildirmişlər. Azərbaycanın xalı və xalçaları indi də dünyanın bir çox muzeylərinin ən nadir eksponatlarından sayılır. 1996-cı ildən fəaliyyətə başlamış, hazırda 350 nəfərin çalışdığı "Azər-İlmə"nin məhsulları ABŞ, Almaniya, Avstriya, İngiltərə, İtaliya, Yaponiya və Rusiyada keçirilən satış sərgilərində xüsusi mükafatlara və sertifikatlara layiq görülmüşdür. Müəssisədə iplər ancaq təbii rənglərlə boyanır, eskizlər milli naxış və çeşnilərdən götürülür. İşlədilən bütün xammal yerli məhsullardır.
Azərbaycanın birinci xanımı, Heydər Əliyev Fondunun prezidenti, YUNESKO-nun və İSESKO-nun xoşməramlı səfiri, Milli Məclisin deputatı Mehriban Əliyeva və Rusiyanın birinci xanımı Svetlana Medvedeva sentyabrın 3-də Müasir İncəsənət Muzeyində olmuşlar. Xanım Svetlana Medvedeva Mehriban xanım Əliyevanın təşəbbüsü ilə yaradılmış muzeyin ekspozisiyasına tamaşa etdi. Qonağa məlumat verilmişdir ki, buradakı ekspozisiyanın əsasını XX əsrin ikinci yarısından bugünədək Azərbaycanın ən yaxşı avanqard rəsm və heykəltəraşlıq əsərləri təşkil edir. Muzeydə Azərbaycanın adlı-sanlı və gənc, əsasən avanqard üslubda işləyən rəssam və heykəltəraşlarının 1000-dək işi toplanmışdır. Bildirilmişdir ki, muzeyin beynəlxalq əlaqələri də genişlənir. Bu mədəniyyət ocağı 2011-ci ildə 47 ölkənin təmsilçisinin qatılacağı Avropa müasir incəsənət muzeylərinin müsabiqəsində iştirak etmək niyyətindədir.
Sentyabrın 3-də Azərbaycanın birinci xanımı Mehriban Əliyeva Heydər Əliyev Fondunda Rusiya Prezidentinin xanımı Svetlana Medvedeva ilə görüşmüşdür. Birinci xanımlar əvvəlcə fondun fəaliyyəti, təhsil, elm, səhiyyə və digər sahələrdə həyata keçirdiyi layihələrdən bəhs edən filmə baxdılar. Sonra Mehriban Əliyeva ilə Svetlana Medvedevanın görüşü oldu. Heydər Əliyev Fondunun prezidenti Mehriban xanım Əliyeva bildirdi ki, fond Azərbaycanın tərəqqisinə yönələn, mədəniyyətimizin və ölkəmizin tarixinin geniş təbliği ilə bağlı görülən işləri dəstəkləyir. Azərbaycanın birinci xanımı dedi ki, rəhbərlik etdiyi qurum müxtəlif sahələri əhatə edən və cəmiyyəti düşündürən, ölkəmizin həqiqətlərinin dünyada təbliğ olunmasına yönələn genişmiqyaslı layihələr həyata keçirir. Fond bir sıra beynəlxalq təşkilatlar ilə sıx əməkdaşlıq edir.
Arxiv
