23:58 20 Aprel 2021
ONLINE XƏBƏR LENTİ
17:04 20.04.2021 Məşhur A68 aysberqi əridi
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

İtaliyalı oxuculara Xocalı soyqırımı ilə bağlı məlumat verilib
ANA SƏHİFƏ / SİYASƏT
13:27 01.03.2021

 

Xocalı soyqırımının 29-cu ildönümü İtaliya mətbuatında geniş işıqlandırılıb. Xocalı soyqırımının 29-cu ildönümü ilə əlaqədar Azərbaycanın İtaliyadakı səfiri Məmməd Əhmədzadə İtaliyanın “ElectoMagazine” və "La Voce Repubblicana" qəzetləri, habelə “Kmetro0” portalına müsahibələr verib.

AZƏRTAC xəbər verir ki, diplomat müsahibələrində Ermənistanın Azərbaycana qarşı hərbi təcavüzü, Xocalı soyqırımı ilə bağlı həqiqətlər, torpaqlarımızın işğaldan azad edilməsindən sonra bölgədə yaranmış yeni vəziyyət kimi mövzularla bağlı jurnalistlərin suallarını cavablandırıb.

Azərbaycanın İtaliyadakı səfirliyi və İtaliyada Azərbaycan İcması Assosiasiyasının birgə təşkilatçılığı ilə Xocalı soyqırımının 29-cu ildönümünün anılması ilə əlaqədar videoformatda keçirilmiş "Bəşəriyyətin yaddaşına yazılan bir tarix" adlı konfrans və "Simurq quşu - Xocalının qanadları altında" adlı konsert-rekviyemdən ibarət tədbirə dair İtaliyanın nüfuzlu “Askanews” xəbər agentliyi tərəfindən videoreportaj hazırlanıb və həmin reportaj “Askanews” ilə yanaşı, “Il Sole 24 Ore”, “Notizie Tiscali”, “Yahoo Notizie”, “Quotidiano”, “Virgilio”, “Affari Italiani”, “Libero Quotidiano”, “Timgate”, “Today”, “Attivo News”, “Il Giornale d’Italia”, “Il Caledoiscopio”, “Solobuonumore”, “Vistosulweb” kimi mətbu orqanları tərəfindən də yayımlanıb.

Habelə İtaliyanın nüfuzlu “İl Giornale” qəzeti, “Agenzia Nova”, “Giornale Diplomatico” kimi mətbuat orqanları tərəfindən Azərbaycanın İtaliyadakı səfirliyinin Xocalı soyqırımı və onun 29-cu ildönümü ilə əlaqədar hazırladığı mətbuat açıqlaması dərc olunub. “İl Giornale” qəzeti məlumatda, həmçinin səfirliyin rəsmi “Facebook” səhifəsindən canlı olaraq yayımlanmış tədbirin və səfir M.Əhmədzadənin rəsmi “Twitter” hesabından italyan dilində Xocalı soyqırımının 29-cu ildönümünü ilə əlaqədar paylaşılmış videonun keçid linkləri yerləşdirilib.

Eləcə də, İtaliyanın “Il Nodo di Gordio” beyin mərkəzi, “Euractiv”, “Geopolitica”, “Lo Spessore”, “ElectoMagazine”, “Convicere” kimi mətbuat orqanları mövzu ilə əlaqədar olaraq bir sıra tədqiqatçılar və jurnalistlərin məqalələrinə yer verib. Məqalələrdə insanlıq əleyhinə amansız vəhşiliklərlə yadda qalan Xocalı faciəsinin tarixi, faciə qurbanları barədə məlumat verilərək törədilmiş cinayətlərə dair Avropa İnsan Hüquqları Məhkəməsi qərarı və Avropa Şurası Nazirlər Komitəsinin bəyanatına istinadlar edilib, Xocalı qətliamının qurbanlarını anmaq məqsədilə bir sıra ölkələr tərəfindən sənədlərin qəbul edildiyi, bir çox beynəlxalq təşkilat və qurumlar tərəfindən bu qətliamın insan ləyaqəti üçün fəlakətli bir hadisə kimi tanındığı diqqətə çatdırılıb.

Bununla yanaşı, İtaliyanın nüfuzlu “İnsideover” portalı “Xocalı qırğını nədir” başlıqlı geniş məlumat dərc edib. Xocalı soyqırımı barədə məlumat almaq istəyən italyan oxuyucular üçün geniş mənbə olan məlumatda amansız faciənin baş vermə səbəbləri, faciənin törədilməsində birbaşa məsul olanlar, soyqırımı qurbanları barədə məlumat verilib və sözügedən hadisələrə dair video material yerləşdirilib.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM