Ermənistan ictimaiyyəti müharibədəki məğlubiyyətlərinin səbəbini Sarkisyan-Koçaryan cütlüyündə görür
Yerevandakı itaətsizlik aksiyalarının qarşısını hakimiyyət orqanları qeyri-adekvat güc tətbiqi və zorakılıqla alırlar. Müxalifət isə istədiyinə nail ola bilmir, Ermənistan cəmiyyətini N.Paşinyan iqtidarına qarşı qaldırmaqda çətinlik çəkir. Aksiyalar repressiv tədbirlərə rəğmən davam edir.
“Vətənin qurtuluşu hərəkatı”nın təşkil etdiyi növbəti aksiyadan əvvəl silahlı qüvvələrə, hüquq mühafizə orqanlarına, təhlükəsizlik işçilərinə və digər dövlət strukturlarına müraciət edən müxalifət onları hakimiyyətin tələblərini yerinə yetirməkdən imtina etməyə çağırıb. Etirazçılar Ermənistan polisinin rəisi Vaqe Kazaryanla görüş tələb ediblər. Amma polis onları sıxışdırıb, həbslər aparıb.
Mitinq iştirakçıları daha sonra Yerevanın mərkəzində zibil qutularından barrikadalar qurublar. Onlar Paşinyan istefa verməyənədək geri çəkilməyəcəklərini bildiriblər. Bir qrup fəal trolleybusu saxlayıb. Onlar trolleybusa daxil olaraq pirotexniki vasitələr yandırıblar.
Paşinyanın istefasını tələb edən bir qrup isə hökumət binasının qarşısında etiraz aksiyası keçirib.
Baş nazir binaya girərkən aksiyaçılar “Satqın eşşək!”, “Nikol satqın!” və başqa şüarlar səsləndiriblər.
Hazırda Ermənistan tarixinin ən ağır günlərini yaşayır və bu vəziyyətdən xilas üçün üfüqdə ümidverici heç nə görünmür. Həmçinin ölkədə məmur özbaşınalığı, rüşvətxorluq və işsizlik tüğyan edir. Vətəndaşlar məhkəmə sistemindən və polis zorakılığından cana gəliblər. Odur ki, vətəndaşlar Ermənistanda hakimiyyət dəyişikliyini labüd hesab edirlər.
“Daşnaksütyun” partiyasının iqtisadi tədqiqatlar şöbəsinin məsul əməkdaşı Suren Parsyan bildirib ki, Ermənistanda həm əvvəlki, həm də mövcud hakimiyyətlər dövründə uzun illərdir ki, zənginlər daha da varlanıb, yoxsullar isə daha da kasıblayıb. O vurğulayıb ki, əhali ölkədəki ictimai ədalətsizlikdən və qeyri-sağlam mühitdən şikayətlənir: “Ermənistanda sosial ədalətin bərqərar olması üçün nə lazımdır, bu yolda əsas maneələr nələrdir? Çox təəssüf ki, bugünkü məğlubiyyət illərdir davam edən yanlış sosial-iqtisadi siyasətin nəticəsidir. Ölkəmizdə bir çox sosial ədalətsizliklər baş verdi. Başımıza gələn bütün problemlərimiz buna görədir. Mövcud hakimiyyət orqanlarının apardığı yanlış sosial-iqtisadi siyasət ölkəni çətin vəziyyətə salıb. Korrupsiyaya qarşı mübarizə aparmaq və bir neçə keçmiş məmuru həbs etməklə, ölkənin inkişafı üçün vacib bir komponent olan ölkənizin təhlükəsizliyini təmin etmirsiniz”.
Parsyanın sözlərinə görə, həm əvvəlki, həm də mövcud sistem tamamilə özünü tükəndirib, uğursuz olub. Ona görə də inkişaf və tərəqqi üçün yeni sistemə ehtiyac var.
Bütün bunlara baxmayaraq, Ermənistanın radikal-revanşist müxalifəti baş nazir Nikol Paşinyanın istefasına nail ola bilmir. Çünki yetərli sayda protest elektorat toplamağı bacarmır. Bu isə o anlama gəlir ki, cəmiyyətin əksəriyyəti opponentlərin müharibə mövqeyini bölüşmür, tələblərini dəstəkləmir. Ən yaxşı halda onlara biganədir.
Bu arada ABŞ-ın nüfuzlu “Gallup” sorğu təşkilatının Ermənistanda apardığı sorğunun nəticələri də müxalifət üçün şok effekti yaradıb. Belə ki, müharibədəki məğlubiyyətdə günahı kimdə görürsünüz sualına respondentlərin 32 faizi keçmiş hakimiyyəti (Sarkisyan-Koçaryan cütlüyü), 28,8 faizi isə Paşinyan hökuməti deyə cavabı veriblər.
Göründüyü kimi, Azərbaycanla 44 günlük müharibədə kapitulyasiya aktına imza atmasına baxmayaraq, Paşinyan ölkədə etimad edilən siyasi xadim olaraq qəbul edilir. O, hətta keçmiş hərbi xuntanın liderləri - Serj Sarkisyanın və Robert Koçaryanın toplam reytinqindən də üstün reytinqə malikdir.
Elçin CƏFƏROV,
“Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Ukraynaya yardım mexanizmi müzakirə edilib - MƏLUMAT
28 Mart
Fevralda DSMF tərəfindən 26,6 minə yaxın vətəndaş müraciəti cavablandırılıb
28 Mart
“YAŞAT” Fondu tərəfindən dəstək tədbirləri davam edir
28 Mart
Bayram günlərində “Azərpoçt”un xidmətlərindən 400 mindən çox vətəndaş istifadə edib ...
28 Mart
D vitamini uşaqların sümük-əzələ sisteminin sağlamlığında mühüm rol oynayır
28 Mart
Rusiyada terror aktından zərərçəkənlərə dəstək məqsədilə Müslüm Maqomayevin mahnılarından ibarət alb...
28 Mart
Əhalinin tibbi xidmətlərə əlçatanlılığı ilə bağlı sorğunun nəticələri müzakirə olunub ...
28 Mart
Türkiyənin vitse-prezidenti: Daxili istehlakın ifrat artımı ölkənin iqtisadi inkişafına zərbə vurur ...
28 Mart
Şröder: Putinlə şəxsi münasibətlərim Ukraynada sülh prosesinə fayda verə bilər
28 Mart
BŞİH-də müşavirə keçirilib, “Lifttəmir”in direktoruna şiddətli töhmət verilib
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!