17:26 20 Aprel 2021
ONLINE XƏBƏR LENTİ
17:04 20.04.2021 Məşhur A68 aysberqi əridi
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Avropa İttifaqının dəstəyi, UNFPA və RİİB-in təşkilatçılığı ilə Azərbaycanda ilk “Gender bərabərliyi” hakatonu

ANA SƏHİFƏ / SİYASƏT
00:27 25.02.2021

 

Avropa İttifaqının dəstəyi və BMT-nin Əhali Fondu (UNFPA), Ailə, Qadın və Uşaq Problemləri üzrə Dövlət Komitəsi, Nəqliyyat, Rabitə və Yüksək Texnologiyalar Nazirliyi və “Regional İnkişaf” İctimai Birliyinin birgə təşkilatçılığı ilə Azərbaycanda ilk dəfə olaraq “Gender bərabərliyi” hakatonu keçirilib.

AZƏRTAC xəbər verir ki, Bakı və regionlardan ümumilikdə 16 komanda olmaqla 64 texnologiya həvəskarının iştirak etdiyi onlayn hakaton BMT-nin Əhali Fondu və BMT-nin Qadınlar üzrə Agentliyi (UN Women) tərəfindən icra edilən “Avropa İttifaqı Gender Bərabərliyi naminə: Gender stereotiplərinə və gender əsaslı zorakılığa qarşı” proqramı çərçivəsində təşkil olunub.

Tədbirdə çıxış edən Ailə, Qadın və Uşaq Problemləri üzrə Dövlət Komitəsinin sədri Bahar Muradova bildirib ki, kişi və qadınların ailədən başlamış ən yüksək səviyyədə dövlət orqanlarında və cəmiyyətin həyatında bərabər iştirakı və təmsilçiliyini təmin etmək üçün gender əsaslı ayrı-seçkilik və qadınlara qarşı zorakılıqla mübarizənin yeni və innovativ yollarının tapılması zəruridir. “Gender bərabərliyi” hakatonu da müvafiq dövlət orqanları, beynəlxalq təşkilatlar və vətəndaş cəmiyyəti institutlarının bu sahədə mükəmməl əməkdaşlığının əyani sübutudur və gənclərin, xüsusilə tələbələrin bu vacib mövzuda sağlam yarışmasına, müasir texnologiyaların tətbiqi ilə mövcud çağırışların həllinə töhfə vermələrinə şərait yaradacaq. 

BMT-nin Əhali Fondunun Azərbaycandakı nümayəndəliyinin rəhbəri Fərid Babayev pandemiya şəraitində həyatın sürətlə rəqəmsallaşdığını və gender bərabərliyinin təmin olunması, gender əsaslı zorakılıqla mübarizə sahəsində texnologiya və innovasiyaların heç vaxt bu qədər aktual olmadığını qeyd edib. “Yeni yanaşmaların daha yaxşı inteqrasiya edilməsi və yenilikçi həll yollarının tapılması ilə gender bərabərsizliyinin köklü səbəblərini aradan qaldırmaq, o cümlədən Birləşmiş Millətlər Təşkilatının Dayanıqlı İnkişaf Məqsədlərindən olan gender bərabərliyi məqsədinə nail olmaq mümkündür”, - deyə o, qeyd edib.

Nəqliyyat, rabitə və yüksək texnologiyalar nazirinin müavini Elmir Vəlizadə “Gender bərabərliyi” hakatonunun gənclərin informasiya-kommunikasiya texnologiyaları sahəsində malik olduqları imkanları və potensialı nümayiş etdirmək üçün əlverişli fürsət olduğunu deyib. Onun sözlərinə görə, bu gün İKT sahəsində müxtəlif şirkətlərə rəhbərlik edən işgüzar qadınların nümunəsi hakaton iştirakçıları üçün də təşviqedici örnək ola bilər.

Tədbirdə münsiflər heyəti üzvlərinin çıxışları və komandalara tövsiyələri dinlənilib.

48 saat ərzində gender bərabərsizliyinin aradan qaldırılması üçün texnoloji həll yolları üzərində intensiv şəkildə çalışan komandalar bir çox prototiplər və açıq qaynaqlı kod həllərini işləyib hazırlayıblar. Hakaton boyunca komandalar qadınlara qarşı zorakılıqla mübarizə, oğlan uşaqlarına verilən üstünlük və qız övladlarının dəyərsizləşdirilməsinin qarşısının alınması, məsuliyyətli atalığın təşviqi, karyera seçimində gender stereotiplərinin aradan qaldırılması, ev işlərində gender bərabərliyinin təmin edilməsi kimi mövzulara töhfə verə biləcək həllərin yaradılması istiqamətində yarışıblar.

Gender bərabərliyi sahəsində innovativ həllərlə bağlı ümumilikdə 16 layihə təqdim olunub və münsiflərin verdiyi ballar əsasında onların arasından ilk üç yeri tutan komandalar müəyyən edilib. “Stockfish” komandası məişət zorakılığının qurbanı olan qadınlara sığınacaq və müvafiq resurslara çıxış imkanları yaradan mobil tətbiq prototipi ilə 1-ci yerin qalibi olub. 2-ci yerə “3x+y” komandası layiq görülüb. Onların yaratdığı “Biz varıq!” adlı veb-səhifə məişət zorakılığı qurbanlarını, eləcə də müxtəlif növ ailədaxili problemləri olan şəxsləri peşəkar psixoloqlarla asan şəkildə əlaqələndirməyə imkan yaradır. 3-cü yerə isə “Man ws Woman” adlı gender stereotipləri barədə maarifləndirici interaktiv oyun ilə “Laws and bytes” komandası layiq görülüb. Yarışın şərtlərinə uyğun olaraq 1-ci yerin qalibinə 5 000 manat, 2-ci yerin qalibinə 3 000 manat və 3-cü yerin qalibinə 1000 manat məbləğində mükafat verilib.

İctimaiyyət nümayəndələrinə tədbiri sosial media platforması üzərindən canlı olaraq izləmək imkanı yaradılıb.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM