Heydər Əliyev Fondu tərəfindən xalq artisti Canəli Əkbərovun musiqi albomu nəşr olunmuşdurAzərbaycan muğam sənətinin qorunmasına və inkişafına xüsusi diqqət və qayğı göstərən Heydər Əliyev Fondu xalq artisti, professor Canəli Əkbərovun 70 illik yubileyi münasibətilə xanəndənin musiqi albomunu nəşr etdirmişdir. Azərbaycan musiqi ifaçılığı məktəbinin görkəmli nümayəndəsi Canəli Əkbərovun həyat və yaradıcılığına həsr olunmuş albom yüksək poliqrafik səviyyədə və nəfis şəkildə hazırlanmışdır. Musiqi albomu kitab və dörd kompakt diskdən ibarətdir. Albomda ustad xanəndənin uşaqlıq və gənclik illərindən, zəngin və unudulmaz hadisələrlə yaddaqalan yaradıcılıq yolundan söhbət açılır.Polşada keçirilmiş forumda Azərbaycan Dövlət Sosial Müdafiə Fondu mükafatlandırılmışdırAzərbaycan Dövlət Sosial Müdafiə Fondunun (DSMF) sədri Səlim Müslümov jurnalistlərə müsahibəsində bildirmişdir ki, martın 3-5-də Polşada Birinci Avropa Sosial Forumu keçirilmişdir. Forumda DSMF İnformasiya Kommunikasiya Texnologiyalarının tətbiqi ilə ən səmərəli idarəetmə nominasiyası üzrə qalib olmuşdur. Avropanın bütün ölkələrinin iştirak etdiyi forumda Beynəlxalq Sosial Təminat Assosiasiyası 2009-cu ilin nəticələrinə görə, Avropa ölkələrində fəaliyyət göstərən pensiya-sığorta qurumlarını bir neçə nominasiya üzrə mükafatlandırmışdır.Türkiyənin İzmir şəhərində Azərbaycan Novruz festivalı keçiriləcəkdirMartın 12-dən 21-dək Türkiyənin İzmir şəhərində 3-cü Azərbaycan Novruz festivalı keçiriləcəkdir. Bu barədə məlumat verən İzmirdə fəaliyyət göstərən Azərbaycan Mədəniyyət Mərkəzinin sədri, "Can Azərbaycan" telekanalının yaradıcısı Camal Məmmədxanoğlu vurğulamışdır ki, festival çərçivəsində silsilə tədbirlərin reallaşdırılması nəzərdə tutulur."Neft daşları"nda yeni quyu qazılmışdırBu günlərdə "Neft daşları" yatağında daha bir quyuda qazma işləri başa çatdırılmışdır. ARDNŞ-in mətbuat xidmətindən bildirmişlər ki, quyunun 1840 metr dərinlikdən sutkada 10 ton neft verəcəyi gözlənilir. Həmin meydançada daha beş quyuda qazma işləri başa çatdırılmışdır. Meydançada 18 quyunun istismara verilməsi nəzərdə tutulmuşdur. Geoloqların hesablamalarına görə, həmin quyulardan ümumilikdə sutkada 180 ton neft hasil ediləcəkdir.
Azərbaycan Respublikasının Prezidenti İlham Əliyev martın 9-da İraqın ölkəmizdəki səfiri Ərşad Ömər İsmayılı diplomatik fəaliyyətinin başa çatması ilə əlaqədar qəbul etmişdir. Dövlətimizin başçısı Ərşad Ömər İsmayılın Azərbaycandakı diplomatik fəaliyyəti dövründə ölkələrimiz arasında əlaqələrin inkişaf etdiyini vurğuladı. İraqda Parlament seçkilərinin uğurla keçməsi münasibətilə təbriklərini çatdıran Prezident İlham Əliyev əlaqələrimizin növbəti mərhələdə də daha fəal olacağına ümidvar olduğunu bildirdi. Səfirə uğurlar arzulayan dövlətimizin başçısı əminliklə qeyd etdi ki, diplomat Azərbaycan və İraq xalqları arasında əməkdaşlığın daha da inkişaf etdirilməsi istiqamətində gələcəkdə də fəaliyyətini davam etdirəcəkdir.
Azərbaycan Respublikasında dövlət qulluğunda səmərəli fəaliyyətinə görə Əli Məhəmmədəli oğlu Həsənov 1-ci dərəcəli "Vətənə xidmətə görə" ordeni ilə təltif edilsin. ... »»
Hörmətli cənab Prezident! Əlazığ vilayətində baş vermiş zəlzələ nəticəsində çoxsaylı insan tələfatı və dağıntılar barədə xəbər məni olduqca kədərləndirdi. Bu faciə ilə əlaqədar dərdinizi bölüşür, Sizə, həlak olanların ailələrinə və yaxın adamlarına, bütün Türkiyə xalqına şəxsən öz adımdan və Azərbaycan xalqı adından dərin hüznlə başsağlığı verir, yaralananlara və xəsarət alanlara şəfa diləyirəm. Allah rəhmət eləsin! ... »»
Ədalətli sülhə gedən yol döyüş meydanından keçməli olacaq
Amansız müharibənin 22-ci ildönümünü də geridə qoyduq. İllər, aylar sürətlə bir-birini əvəzləsə də, fakt faktlığında qalır: zorən hərbi münaqişəyə cəlb edilmiş Azərbaycanın 20 faizdən artıq ərazisi hələ də işğal altındadır. 1 milyondan çox soydaşımız hələ də doğma yurd-yuvalarına dönmək həsrətilə qaçqın və məcburi köçkün həyatı sürür. 16 illik atəşkəsə baxmayaraq, əslində, müharibə bu gün də bitməyib: düşmən, demək olar, hər gün təxribata əl ataraq cəbhə bölgəsindəki mövqelərimizi atəşə tutur, dinc əhali və hərbçilərimiz arasında yaralanma, ölüm halları baş verir. İndi hər bir azərbaycanlının birmənalı qəbul etdiyi bir danılmaz həqiqət var: biz müharibədə deyil, döyüşdə müvəqqəti uğursuzluğa düçar olmuşuq! Bir millət olaraq hər an birinci Qarabağ müharibəsində itirdiyimiz torpaqları hərb yolu ilə geri qaytarmağa borcluyuq və hazır olmalıyıq! ... »»
Nazirlər Kabinetinin mətbuat xidmətindən verilən məlumata görə, martın 6-da Azərbaycan Respublikasının Nazirlər Kabineti "Azərbaycan Respublikasının ərazisində dövriyyəyə buraxılan (idxal və Azərbaycan Respublikasında istehsal edilən) avtonəqliyyat vasitələrindən atmosfer havasına atılan zərərli maddələrə dair tələblərin Avropa standartlarına uyğunlaşdırılması tədbirləri barədə" qərar qəbul etmişdir. Azərbaycan Respublikasının ərazisində dövriyyəyə buraxılan avtonəqliyyat vasitələrindən atmosfer havasına atılan zərərli maddələrə dair tələblərin Avropa standartlarına uyğunlaşdırılmasını təmin etmək məqsədilə Azərbaycan Respublikasının Nazirlər Kabineti qərara almışdır ki, 2010-cu il iyulun 1-dən Azərbaycan Respublikasının ərazisində dövriyyəyə buraxılan (idxal və Azərbaycan Respublikasında istehsal edilən) avtonəqliyyat vasitələrindən atmosfer havasına atılan zərərli maddələr üzrə "Avro-2" ekoloji normaları tətbiq edilsin. ... »»
Azərbaycan Respublikasının Konstitusiyasına uyğun olaraq Milli Məclisin beşinci iclasında Azərbaycan Respublikası hökumətinin 2009-cu ildə fəaliyyəti haqqında hesabatı dinləniləcəkdir. Hökumətin hesabatı kitab halında çap olunaraq deputatlara paylanmışdır. Bu dinləmələrin keçirilməsi ölkədə qanunvericilik və icra hakimiyyəti orqanları arasında vəhdətin, iqtisadiyyatın aşkarlıq və demokratiya prinsipləri əsasında idarə edilməsinin, dövlət hakimiyyəti orqanlarının fəaliyyətində şəffaflığın artmasının göstəricisidir. ... »»
Martın 9-da Polşanın Baş naziri Donald Tusk Azərbaycana rəsmi səfərə gəlmişdir. Hər iki ölkənin dövlət bayraqlarının asıldığı Heydər Əliyev adına Beynəlxalq hava limanında hörmətli qonağın şərəfinə fəxri qarovul dəstəsi düzülmüşdü. Polşalı həmkarını Baş nazir Artur Rasizadə və digər rəsmi şəxslər qarşıladılar. Milli geyimli uşaqlar Polşanın Baş nazirinə gül-çiçək dəstəsi təqdim etdilər. Polşanın və Azərbaycanın dövlət himnləri səsləndi. ... »»
Ölkəmizdə Qızıl Aypara Cəmiyyətinin yaradılmasının 90 illik yubileyi münasibətilə Azərbaycan Qızıl Aypara Cəmiyyətinin (AQAC) rəhbərliyi və əməkdaşları martın 9-da Fəxri xiyabana gələrək xalqımızın ümummilli lideri Heydər Əliyevin əziz xatirəsini ehtiramla yad etmiş, məzarı önünə əklil qoymuşlar. Görkəmli oftalmoloq alim, akademik Zərifə xanım Əliyevanın məzarı üstünə də gül dəstələri düzülmüşdür. Sonra Şəhidlər xiyabanında Azərbaycanın müstəqilliyi və ərazi bütövlüyü uğrunda mübarizədə canlarından keçmiş cəsur Vətən övladlarının xatirəsi anılmış, "Əbədi məşəl" abidəsinin önünə əklil qoyulmuşdur. ... »»
Ərazi və əhalicə eyni səviyyədə olan, öz tarixi keçmişində bir çox oxşarlıqlara malik Azərbaycan ilə Avstriya arasında son illərdə əlaqələr yüksələn xətlə inkişaf etməkdədir. Bu əlaqələrin inkişafına daim səy göstərən şəxslərdən biri də Avstriya Milli Şurasının (parlament) deputatı, Cənubi Qafqaz üzrə parlament işçi qrupunun sədri Karl Öllinqerdir. Rəhbərlik etdiyi işçi qrupunun fəaliyyəti ilə əlaqədar Cənubi Qafqaz regionuna yaxından bələd olan K.Öllinqer AzərTAc-ın xüsusi müxbiri ilə söhbətində Avstiya ilə Azərbaycan arasında ikitərəfli əlaqələrin inkişaf perspektivlərindən söhbət açmışdır. ... »»
Ermənilərin azərbaycanlılara və Anadolu türklərinə qarşı törətdikləri soyqırımı cinayətləri faktların dili ilə
Soyqırımı bütöv əhali qruplarının, etnosların irqi, milli, etnik, yaxud dini əlamətlərə görə tamamilə və ya qismən məhv edilməsi deməkdir. Ermənilər türklər tərəfindən onlara qarşı soyqırımı törədildiyini iddia etsələr də, hələ indiyə qədər bununla bağlı tutarlı fakt ortaya qoya bilməyiblər. Türkiyə tərəfinin təkidinə baxmayaraq, Ermənistan arxivlərin birgə öyrənilməsini və araşdırılmasını istəməyib. Qondarma "soyqırımı"nı tanıyan ölkələr də tarixdə nəyin baş verdiyini araşdırmaq məqsədilə Türkiyəyə tədqiqatçı göndərməkdə maraqlı olmayıblar. Əslində tarix sübut edir ki, ermənilər soyqırımına məruz qalmamış, öz mənfur əməllərini, sərsəm "böyük Ermənistan" xülyalarını gerçəkləşdirmək üçün Azərbaycan və Anadolu türklərinə qarşı XX əsr boyu ən dəhşətli soyqırımı cinayətləri həyata keçirmişlər. ... »»
Hollandiyada fəaliyyət göstərən Benilüks Azərbaycanlıları Konqresi (BAK) ABŞ Konqresi Nümayəndələr Palatasının Xarici Əlaqələr Komitəsinin qondarma "erməni soyqırımı"nın tanınması barədə qəbul etdiyi qərarı qətiyyətlə pisləyir və bunu qardaş Türkiyəyə qarşı yönəldilmiş obyektivlikdən uzaq və qərəzli qərar hesab edir. Bununla əlaqədar BAK-ın idarə heyəti bəyanat yaymışdır. Sənəddə deyilir: "ABŞ Konqresi bu qərarla Azərbaycan torpaqlarının 20 faizini işğal altında saxlayan və bir milyondan artıq azərbaycanlını qaçqın və məcburi köçkün həyatına məhkum etməklə beynəlxalq hüquq norma və prinsiplərini pozmaqda davam edən, 18 il əvvəl- 1992-ci il fevralın 26-na keçən gecə Xocalı şəhərində azərbaycanlılara qarşı əsil soyqırımı törədən, əlləri minlərlə insanın qanına batmış ermənilərə havadarlıq etməsini bir daha əyani sübut edir. Bütün dünyaya demokratiya dərsi verən ABŞ ədaləti budurmu? ... »»
Dağlıq relyefə malik Şahbuz rayonunun özünəməxsusluqları çoxdur. Salvartı, Keçəldağ və Küküdağ Zəngəzur-Dərələyəz dağ silsilələrinin rayon ərazisində ən uca zirvələri hesab olunur. Onların hər biri dəniz səviyyəsindən 3 min metrdən artıq hündürlükdədir. Biçənək dağ aşırımı da Şahbuzda yerləşir. Bu yerlər həmçinin təbii və mineral su bulaqları ilə məşhurdur. Badamlı, Çınqıllı, Biçənək, Batabat, Karvansara kimi bulaqlar min illərdir çağlayır. Dəniz səviyyəsindən 1400 metr yüksəklikdə yerləşən "Badamlı" istirahət zonası isə bölgənin turizm mərkəzidir. ... »»
Ötən il Naxçıvan Muxtar Respublikasında yeni yaradılan təsərrüfat subyektləri sırasında balıqçılıq təsərrüfatlarının sayı da az olmayıb. Bu sahədə başlıca diqqət yerli bazarın balıq məhsullarına olan ehtiyacın ödənilməsinə yönəldilir. Kəngərli rayonunun Qarabağlar kəndindəki "Asnı" balıqçılıq təsərrüfatı İnşallah Abbasova məxsusdur. Təsərrüfatın illik istehsal gücü 300 tondur. Ötən il burada 23,4 ton məhsul istehsal olunub. İstehsal gücü saatda 600 ədəd şərti qab olan konserv sexi isə cari ilin ilk aylarında fəaliyyətə başlayıb. Burada 15 nəfər işlə təmin edilib. ... »»
Goran torpağının adı çəkiləndə ilk öncə, Tapqaraqoyunlu kəndi yada düşür. Bu kənd sərhəd bölgəsində erməni nankorları ilə üzbəüz dayanıb. O müdhiş illərin od-alovu başının üstündən keçib. İndi də ara-sıra qəfil atəşlər açılır. Ölən də olur, yaralanan da. Neçə-neçə binaya güllə izləri "xal" salıb. Kəndin mərd camaatı isə hünərlə, qeyrətlə yaşayır. Doğma el-obanı mərdliklə qoruyur. Bir nəfər belə, ata-baba yurdunu tərk etmir. Əhali əkin-biçinlə məşğul olur. Yeni evlər tikir, ictimai binalar ucaldılır, körpülər, keçidlər salır, düşmənə meydan oxuyurlar. Kəndin ən baxımlı guşəsində dövlət bayrağı meydanı yaradılır. ... »»
Qarşıdan güllü yaz - mübarək Novruz gəlir. İllərdir ki, xalqımız bu gözəl bayramı böyük məhəbbətlə, səbirsizliklə qarşılayır, yüksək ovqatla qeyd edir. Novruzun insanların ürəyində sevgisi o qədər dərindir ki, onun adət-ənənəsinə, mərasimlərinə hamı, sözsüz əməl etməyi müqəddəs borc bilir. Novruzun gəlişini ta bineyi-qədimdən xüsusi hazırlıqla gözləmişik. Bu bayrama qədər hər həftə bir çərşənbəni xüsusi təmtəraqla qarşılayıb yola salmışıq. Hər bir çərşənbələrin də öz adı, öz mənası, öz yozumu var. ... »»
Arxiv
